Showing posts with label 新手爸記. Show all posts
Showing posts with label 新手爸記. Show all posts

2012-05-13

新手爸記 - 飲奶及掃風篇


如果小朋友飲人奶,雖然過程男仕無咩可以幫手,但可以幫手凖備環境,例如舒適既椅、手枕、冬天準備暖風機,夏天預備清涼環境等。

如果用奶樽餵奶,要留意每個奶咀既特性,例如邊個位向上,流量快唔快呢啲特性。因為有啲奶咀會出得較快,有啲會小朋友用力吸先會出,

初生至三到四個月既小朋友,飲奶時由於頸未夠力,要留意頭仔會唔側埋一邊,我會主動用一隻手扶住佢頸後位置,幫佢輕輕拉直食道,等佢飲得順啲(呢招係姑娘教)。直到而家 50 日多都有用。

初生嬰兒食奶後亦需要掃風,助嬰兒排出食奶時吸到胃部的空氣。一支奶可分開兩至三節進食,中間掃風,可減少 BB 回奶吸嘔奶風險。

因為大部份男仕手力較好,我覺掃風是男仕最能幫手之部份。入門掃風多為用手輕拍 BB 背相對胃部地方,但留以需曲起手掌,以陰力去拍,醫院啲姐姐話係用風去撞返啲風出嚟,所以唔好用死力。同時另一隻手亦以扶著 BB 頭頸,並拉直食道以便胃氣排出。

進階則為讓 BB 座直後去轉他,網上有些影片教學,大家也可以找找,不過先建議大家熟習抱 BB 後才試。

2012-03-18

新手爸記 - 抱 B 篇

BB 出世,做爸爸梗係想抱吓佢,但係初生嬰兒頸未夠力,所以抱佢要特別注意。坊間有好多有用資訊大家可以參考,我想分享既有:

1)練習 ﹣ 搵吓有冇 BB 咁上下大既公仔試吓,唔只練抱上手同放低,仲可以練轉手(左右轉右手,由手掌支撐轉用手臂支撐等),雖然有一定分別,但係起碼做吓個動作,實戰時都有個概念係點做。

2)了解 ﹣ 再一次了解人體結構,知道咩部位可以受力。初生嬰兒骨骼相對較軟,搵支撐點抱佢要知咩位置可以用力,咩位置唔可以。當掌握到其實抱 BB 都唔會太難。

3)應變 ﹣ 初生 BB 隨時都會郁,所以抱住 BB 時唔可以掉以輕心,有咩意外發生就唔好啦。

當大家掌握到點抱 B,就可以好好享受同小寶寶既時光啦。

2012-03-13

新手爸記 - 生產篇

太太選擇順產而有得陪產既男士,事前應該睇多啲變變變生命力,生命奧秘等類型節目,因女性順產係一個包含科學、暴力、科技同血腥既節目,觀眾係絕對需要做足心理準備。唔好生到一半見血暈咗就唔好。

可能由於我高中讀生物科並有收看以上節目,所以過程個過程也知一二,不同的是因為我太太經已穿水一陣子,所以不會見到“缺堤”特效。

生產過程時,其實男人可以做既只係企埋一邊,唔係叫你唔好比支持你老婆,不過綜合個人經驗同朋友分享,呢個時候無論你講加油,同姑娘一齊指令老婆,諗住講笑令老婆無咁痛既下場都只係會比人叫你收聲,鬧你甚至爆粗趕你走。

所以大家都係抺下汗安全啲,當然如果你內人要求你做啲咩你最好幫下手,見佢唔記得呼吸方法都可以係佢抖緊嗰陣提下~ (抖?因為女性生產需要於宮縮(陣痛)時出力才有效,所以没有宮縮時可作休息)幫佢用笑氣等。

到 BB 出世,大家會見到一個濕晒,個身紫色同個頭好長有啲似異形既物體,無錯佢就係你個小朋友啦~ BB,呢個時候助產仕同姑娘會幫佢抽走肺入邊既胎水,順便整喊佢,再抺身同剪臍帶,我地可以留意吓既只有外觀同佢有冇喊,無耐佢就會變返人色架啦~

當去到呢個步驟,護士就差唔多會問你老婆生咗仔定女,咁跟住男人可以參與既部份就完架啦~ 我就係比人送返出電梯大堂,當 BB 同老婆經過就可以同佢 say 個 hi,然後就跟探病時間去睇佢地啦~