爽

放工回家，走了一轉摩托。回家洗澡洗衫洗碗，再加一杯”無辣“，原本應很爽，可惜只是自已一個。

生命

早兩日看一個節目，說，一間屋没有人屋住，便没有生命。

突然想到，一個 blog 没有人 update，命没有生命。

多了使用 Facebook，這𥚃掉空的時間更多（雖然之前也不是經常 update。

過往每個月平均也有十多個 post， 現在一個月也不到一個 post。

嗯，讓我試試將這𥚃增加生命把。

靜

唔知仲有冇人嚟呢到睇呢

發誓

早幾日係茶餐廳食野，聽到有人話：「如果我講大話行出呢個門口就比雷劈！」中國人發誓多以天打雷劈為食言的結果，如果真係有用，咁多年嚟，相信比雷劈死的人少之又少，（因為真有的話，必定大做新聞）。咁係唔係否証明多年來發誓的人絕少食言？又或者否定咗發誓既功用？

如果發誓真係有用，我可能會發呢啲誓：
「如果我講大話就返工日日塞車！」
「如果我講大話就食 lunch 要等位！」
「如果我講大話就朝朝迫地鐵！」

唔知生活會唔會好過啲？

廣告

係公司樓下成日見到呢個廣告，唔知點解可以放咁耐：


我一直都好想 edit 吓某一個字，終於，係搬公司既最後階段，我做咗呢件事：

聽歌

夜靜無人，播著 iPhone 內的 Top 50 Most Play，全是熟識的，新買的唱片給放在書桌上。
近年聽歌習慣出現了一個怪現像，新買的唱片第一次聽總是没太大特別，三四個月後聽才找到喜歡的。是我的問題，或是歌的問題？

交吉

成個月無 update 呢到，感覺好似交吉咗咁
其實呢排都係返工放工，早排落雨想榨車都唔得。

工作上有重大轉變，未知是好是壞，但變原是永恆，努力。

牛肉乾

得到了電單車約一個星期，發生也不少事：
1）落雨搾車冼冼地
2）以為車壞了
3）得到了 320 蚊的牛肉乾

總共交了 600 大圓的“學費”

嗯，之後節省一吓吧！

Lazy Cheese Cake

過往想吃 cheese cake，都要跑到超市買急凍，或店子現成的。

得到了這個 lazy cheese cake 的方法，我想泡制 cheese cake 的機會會多了：

fai@摩托車

第一日
拎車都好似好求其咁，呀老闆車我遊個圈，入咗油之後，就返舖比架車我。

買埋車 "com"，鎖，咁就完成晒所有野。不過相對 New Zealand，其實香港買車都煩啲架 la~

第二日
今晚食完飯，見有時間就榨出去（其實出門前係咁睇天氣報告，睇吓有冇落雨）

可惜到最尾都落雨，雖然唔大，但係打上身都痛... haha

仲因為落尾 break 太大力 fing 咗兩野，都係要預返長少少 break distance..

小心小心

事後孔明﹣續

投票半個月了，最近發生的先不回應，回到投票。
投票没多人，有人在 facebook 搞了群組，說甚麼應有 60 萬人反對五名議員回立去會。
合法的票不投，結果投票後卻搞了個網上群組，代表甚麼？大家不習慣用手上的一票去表達？還是對香港没甚麼希望，只希望打份工，賺個錢。打份工，賺個錢没有問題，可是大家也應盡公民責任，不滿意他們，為何不動用手上的一票？
是否香港人習慣了被指示，當力量回到人民手上，卻不知如何是好？

車手

咁就成為咗電單車手。其實係乜都唔係好識，單拖去買架車，都幾搞笑。

今朝都仲擔心落大雨拎唔拎車好，好彩拎車無乜野，拎咗車，試兩轉，入滿油都係一百八十蚊，似乎好平。

有時間榨架車四圍去吓先～

有機會 post 相出嚟

菜

今日用唔係好長既時間買咗棵都唔平既菜....

事後孔明﹣投票率低了 24.63%

投票率低了 24.63%，我初看的感覺得，這麼少？再看，原來是用 2008 年的 40.43 - 今年的 15.8 = 24.63。看似合理，不過我的理解為，「五區公投」成功與否，我會以 2008 年有投票的人作基準（100﹪），今年只有約過往 39 % 的人出來（因政府没因補選再作大型選民登記，亦相信新登記的人不多）。

以 2008 年的結果來看，直選的泛民有 19 位，親建制派有 11 位。（資料來自維基），理應有六成人支持，相對現在少了兩成支持泛民的人投票。不過，由於今次民主黨没有參與，所以不知民主黨的黨員會否投票。總括本人覺得這次公投是不成功。

回到應否公投，有人說浪費金錢，有人說不必要。我的理念是，這個制度容許發生的事，只可以說是制度的問題。但可惜的是，反對的人為何不把票投給其它人，去把這些你認為浪費金錢的人踢出議會？這正是民主的可貴之處。理它掛甚麼派，做得不對，就不要投他。

可惜，當今港人也只能像孩童一樣，以“哼我唔同你玩”又或是“媽咪叫我以後唔同你玩，哼！”作出回應。

我没有預備為應否投票作一答案，可是，這樣的結果，我真的擔心香港的未來，擔心甚麼，容後再談。

感動

看著看者，舊時拍的照片，看著哪美麗的風光，感動的感覺，莫明其妙的從心滲透出來。
感動不是懷念過去的時光，而是有幸拍到，這不易復見的一刻。

數年前，在看某產品的宣傳片，看到一位大師說，他影相是用 P Mode，P Mode 對於他來說不是 Progam，而是 Professional。

專業的攝影師（他是 events）應專注去保留，捉緊哪事件發生的一刻，花太多時間在設定上，時光就會留失。

希望我有更機會能捉住哪一刻。