Last Day @ Melbourne, comment and 總結

早上到了 St Kilda Beach 附近，假日多遊人的地方，其實没甚麼特別，我只是去試試哪個漢堡，可没叫我失望。

之後去了 University of Melbourne，四個字 - “他媽的大”，不過大得來校園味没中大哪麼“好 feel”，可能因為和公共交通網交錯？

中間抽了一些時間去 Melbourne Zoo “到此一遊”。但 AUD 23 的入場費使我卻步，我入去只會拍拍照吧？還是由他吧！接著是每日的例行公事，到 SLV 上網，回覆電郵，飲飲水。

是日最後的行程，是再到 St Kilda Beach，原本不打算下車，因為四圍只是滿滿人的酒吧，雖然內裹的男男女女打扮得很不錯，不過見到漂亮的黃昏，還是下車拍照去。 :P

Me @ Melbourne 之總結
到了 Melbourne 幾日，除了 Hostel 外，最常進出的應該是 State Library of Victoria 吧？ 成本只是2 AUD （因為要租個 locker 放下包包（因太大不能帶入內）），又有水飲又有得上網，仲可以叉電，算係咁啦，喺出面 AUD 2 蚊都未必買到支水。
雖然 internet 係慢啲同 upload 唔到相，但係可以慢慢覆吓 email，打下 blog，呢段嘢大部份係喺 SLV 打的。


每天要節省，食得好簡單

因為唔想未出發先破產，每日都唔想洗多過 25 AUD。
飲食方面，除左水，飲得最多應該係咖啡，不過唔係要嚟提神，喺行到攰攰地去飲杯補充體力。(Cost 3-4 AUD)
試過去所謂最多人幫親既 Gloria Jeans 飲咖啡，由於佢可能要收工，杯 Mocha 既朱古力粉仲有好多未溶... 好彩有個 free internet 補數。呢邊咖啡口味較淡，不過似乎再無時間試 expresso 啦。

食得最多？我諗你估唔到，喺漢堡包，一次 Hungry Jack，一次 Nando's，一次叫 Grill'd 的，頭兩間集團式經營，價錢一次比一次貴，不過質素我就覺得 Nando's 最差（以價錢論），肉之前講過，另外佢 D 薯條勁多油，一睇都唔想點食，而最尾試間 Grill'd 得兩間，但係質素我最滿意，一食 D 汁就咇出黎，好彩無整到成身都係，另外佢 D 薯條又金黃又無咁多油（不過我無食，睇人地食，因為食個包都夠飽。）

大家可能奇怪我點解唔自己煮，因為去 Melbourne 算係旅遊性質多，所以都係出去時間多，無乜預時間整野食。不過由於 budget 所限，好多收費境點都無去。

而澳洲聞名的「肥婆、烏蠅、啤酒肚」，見得最多的倒是烏蠅，肥人方面，可能近年的澳洲人注重健康吧？肥的多數是上年紀的人，又或者集中在 Sydney ？

文化共融？

留在 Melbourne 一段時間，感到不同文化在這兒相處得似乎不錯，不過華人的影响實在不少，可能因為華人比較早期經已到 Melbourne 淘金？在華人餐店見到不少老外拿著筷子吃亞洲食品（這邊的壽司店多是華人打理，其實只是手卷，不是壽司，另外這邊也有很多泰國、韓國食品），在美式快餐店內又有不少華人，打工的有來自不同地方的留學生（估計的）這算是 Melbourne 的特色吧？

最大感想
其實從大城市到大城市，感覺没甚麼特別，不過這邊的設施實在好得多，無論你是輪椅使用者，推著 BB 車的人，騎單車上班的人，你也不會碰到在香港常見的問題 - 路邊一級級的東東，這邊差不多大部份地方也有給他們上落行人路的地方，真方便耶。另外其實很多地方指示也算清楚，不過其實我只留在 Inner City，没有再走遠一點，可能再遠一點的地方會不同吧？

不過，這些東東都可能是高稅收下的產物，我們活在香港的低稅制度，是否會難些達到呢？不過， Melbourne 比香港的歷史多上好幾十年，地方又大，很多東西不能直接比較的。

整個城市給我感覺不錯，但其實没甚麼特別，雖然街道可能過百年歷史，但你絕不會感到這邊很老。

今日影既相~