NZ 記

到左 NZ 幾日都無點打野，其中一個原因可能係撞到香港人，廣東話都講多左幾句！哈哈！等我總結一下呢幾日遇到既野。

澳洲 > 紐西蘭
補返少少由澳洲機場出發既野，我撘班機係由 Melbourne 去 Auckland，再去 Los Angeles，所以同機都有不少美國人，喺排隊 check-in 嘅時候，都感受到美國人、英國人同澳紐人有咩分別，美國人感覺串啲，cool 啲，當然有少部份人感覺都 nice，但係相對澳紐人，我會覺得澳紐無咁有攻擊性。大部份澳紐人衣著都好隨便，有啲你真係以為佢係唔係乞兒，但係其實佢地好乾淨，只係無乜剪頭髮。

上機後，坐我側邊係一個肥姐姐，佢未坐落黎我都怕佢坐咁長途會有機艙症候群，姐姐一坐底就問我 time 唔 time out （要唔要 time out 朱古力），雖然我想要但係都拒絕左佢，跟住佢問側邊個叔叔，叔叔要左半條，轉眼間一包 time out 經己變左一堆垃圾，佢仲要開支氣水嚟飲，真係明白佢點解咁大隻。亦由於佢咁大隻，呢程機認真唔舒服（佢坐喺到就可以頂住我）我只好坐埋一邊瞓就算。

到達紐西蘭
到達 NZ，機場按排比澳洲好點點，出關雖然有同類檢查，但比澳洲快，當然可能澳洲多幾班機到達？

不過出機場後亦比澳洲好，起碼巴士司機同服務枱姐姐都都幫到手。

入宿 Hostel
由於入住的 YHA 附近有兩間 YHA，先白痴地去錯第一間，唯有再去返我去o個間。

去到樓下，見到幾個貌似香港人的，不過都係 check in 同放好袋野。

落返去 common area，佢地仲係到，老遠聽到佢地講緊廣東話，梗係走去撘訕，當中有一個人到左幾日，有一個就返香港，有一個就去第二到。

當晚同佢地出去行左陣，結果係去左賭場（之前有講過）。

跟住既日子，都係出去行下，搵下有咩工，睇下有咩地方住，搵下邊到有平野買，睇下邊到有平車賣。

感覺
Auckland 真的没哪麼多人，店舖亦没哪麼多，而且很多韓國人，很多韓國人開的店。而在 Hostel 遇到的人，多數都是 backpackers，感覺比較友善，今天還遇到一個韓國人，他跟我談了好一陣子，他還約我跟他一起晚飯，可惜有一位香港朋友明天回港，先和香港朋友約好了，唯有看看會否再有機會與他用膳了。