如果...?

上回有人 reply 問，如果死咗，咁點算，為咗呃 post，咁我係呢到回應啦，我估計大家會係新聞紙見到類似以下新聞：

「本報訊」
一名中年男子肥仔輝，昨晚於某某球場踢足球時，突然倒下昏迷，送院後証實不治。

救護員急救没效
報案熱線中心於晚上某時接報，報說有人倒下昏迷，八分鐘後，救護車到達現場，可惜該名中年男子經已口吐白沬，雙眼反白，手腳痙攣，智力下降，醫護人員即場急救未見起色，最終送往某區醫院時，証實不治。

跟平時没異樣，疑 gag 太爛致禍
該名中年男子友人指出，踢球時，該男子表現與平時一樣不濟，很難判斷該名男子是否身體不適，而該男子亦時常以「為自己前途感到頭痛」來開玩笑，所以當日到場時，他雖有向友人表達他很頭痛，但大家以為他又在搞爛 gag 而已。

生病應減少活動
專科醫生李醫生表示，當大家懷疑自己染上疑似流感時，應減少劇烈運動，對自己生命負責，不要加重前線醫護人員工作量，處理這些無謂個案。

記者吳中立
（以上 Post 係假的）

我諗除咗咁，呢到如果三個月都無 update （係我無搬 blog 時）咁可能我經已去咗一個好遠好遠既地方（例如火星？）大家唔駛掛住我啦。