阿凡達

看了阿凡達 (IMAX 版）了，畫面很漂亮的一套電影。

有大家所說哪麼好看嗎？我識很多朋友都想多看一次，但其實，故事性没甚麼特別吧？老實說，是“戰狼三百”及一點點“無間道”與“魔戒”再另加外星人原素吧？類似嘅故事，好多戲用過。

故事可以換作這樣：
美國佬為咗中東一啲好值錢既石油，迫一個細小國家既人要搬走，o個到啲人唔制，美國派咗個臥底入去收料，慢慢發覺原來o個到啲人好 nice，變咗好難決擇．．．跟住咪就係人性同理性，錢同尊嚴既對決！

又或者咁（國產凌凌漆版）：
如果大家仲記得，呀司令為咗錢去偷頭骨，國家派咗凌凌漆去調查，司令為咗殺咗凌凌漆就派咗李香琴，點知慢慢李香琴愛上咗凌凌漆，仲幫手去打司令 tim~

我又唔係話佢唔好睇，正所謂橋唔怕舊，最緊要受。此片不得不服占士金馬倫講故仔既技巧。而我覺得故事重點都唔係以上講既舊橋，而係當今日環保風盛同無乜道德既年代，係一個樹多人過，而啲人有十呎高，手無吋鐵不過十分好打，好似唔多醒但同自然可以用光纖溝通（講笑），無車無樓不過有馬同大雀騎既土著既世界，有一個外來既勇仕新移民，為咗呢個剛入籍唔夠一年既民族而戰時o個陣人性既光暉。呢種興奮既感覺，係咪有啲似聽到 Google 為咗民主唔要錢退出中國市場呢！

其實大家都明，有錢唔係萬能，不如大家一齊珍惜多啲身邊既人同事啦，太遲就返唔到轉頭。

未睇阿凡達，呢套戲係值得一睇架。