Fai @ Somewhere I Belong

2011-10-03

IPv6 ?

每天使用電話, 電腦去瀏覽 Facebook，上網的你，有否想過在你按下瀏覽的一刻，資訊如何由網站傳送到你的手機，電腦上？

基本上整過程就像你呼喚一個信差，他先記下你的地址，了解你要去哪裡取得甚麼資料，走到目的地（例如 Facebook），告訴 Facebook 誰人想要哪些資料，當 Facebook 把資料交給他之後，他就把資料送回你的手上。

整個過程其實他還要查找一下 Facebook 的公司在哪，如何到達，我們可想像為一本地址簿和一本地圖。

過往多年這個系統要運作得不錯，但我們即將要面臨一個重大改變，這個改變是由於 IPv4 地址的殆盡。

於 2011年 1 月 31 日， IANA (Internet Assigned Numbers Authority) 內所有的 IPv4 address 經已殆盡，最後幾個最大的網段經已發放給五個洲際區域網路資訊中心 (RIR)，意味大家在往後的日子會分派不到 IPv4 地址，我們要開始轉用 IPv6。

這次的改變可算史 Internet 歷史上中一個最大的改變，比起大家由 Windows 98 轉用 XP，由電腦轉用電話上網的改變可能更大，亦可能心 2000 年所面對的＂千年蟲＂更為覆雜。因為技術上 IPv4 的設備是不能和 IPv6 的設備溝通。

大家可試想像一班只懂普通話的人和另一班只懂英語的人，他們是無法溝通的。

而我們日日夜夜用的電腦，正面臨另一種語言要取代現在通用語言的時代。

不過其實不要太過擔心，大家手上的 Windows 7, Mac OSX Lion，iPhone，Android，大部份也開始支援 IPv6了，大家可以不太擔。

而設計互聯網的人也明白這一點，他們制定了一些翻譯機制，讓新舊兩者能夠溝通，不過有一點需要留意的，在今日為止，機制多為由 IPv6 翻譯至 IPv4，IPv4 到 IPv6 的不見得有制定出來，因此數年後，IPv6 如成為主流，大家的 broad band router，IP Cam 等其它 IP 設備，可能需要更新了。

2011-08-04

呢啲就係唔啱人飲嘅水

從來都覺得o個個煲水廣告好反智，因為水源唔乾淨有菌先要煲，邊個整到啲水唔可以直接飲呢？

大家有興趣睇啲圖啲字啦~

2011-07-25

電話推銷

今晚接到一個咁既電話：
電話人：「你好，我地係 XX 銀行打嚟，經過乜乜評核，你經已成為我地既特選客戶，可享乜減乜咁多利息優惠．．．
請問先生你有冇卡數或者其它數要清呢？」

我：「有呀。」

電話人：「先生你有幾多卡數要清呢？」

我：「幾千蚊。」

電話人：「嗯咁先生你除咗卡數仲有冇其它數要清呢？」

我：「無。」

電話人：「先生多謝晒你，拜拜。」

咁即係數目太細唔借？

2011-07-05

生日遊~

今年生日，很特別，第一次去迪士尼。
迪士尼對於我有一點不同的意義，知道的會知道，唔知的就算了。

原本舊年就想去，但唔同原因令行程壓後至今（朋友說生日去會特別開心）

出發前一星期，天氣十分不穏定，經常落雨，不過假就請了，睇天氣啦。

到咗當日，一早落咗大雨，原本諗住取消，不過反正都 plan 咗，去就去啦，天氣不好就唔去，再去東涌行吓都 ok 吖？

不過天氣不穏，楂電單車就唔 ok，於是我地食過早餐，再坐地鐵～

多得資訊及科技發達，基本上成個行程我們不時用天文台的 iPhone Apps 去睇衛星圖，留意雨雲的變化去決定餘下的行程。

幸好衛星圖十分準確，我們能看見大雨只會下約三十分鐘，中間的時間我們會到室內場館或找地方避雨～

因為我地唔早入去，都因為落雨，所以我地用差唔多一日行晒差唔多成個樂園～（其實我無研究有冇行晒 XD）

我能我 expectation 太高，個個話生日入去都會好開心，好多人同你講生日快樂，不過我就無乜～

亦都可能好多係實習生，好多 staff 都無乜笑容，同我老婆之前去嘅經驗好唔同，不過其實最後要都係有老婆陪~ hehe

=)

最令我難忘係煙花，唔係因為好睇，係因為佢因為“遇到不能預見既狀況”個點燈取消咗，煙花 delay 咗兩野，原本我打算走架啦~ 不過走到一半，佢又話可以放火，所以可以睇埋啦~

好多謝老婆同我過咗一個又開心又難忘既生日~
=)

當日既相：

2011-06-19

黃昏遊

是日 (2011-06-19)，黃昏時段，天朗氣清，興之所致，驅車與妻到飛鵝山上拍攝黃昏景緻。
惜低山頂後發現實在大霧，不是拍攝好時機，拍攝數張照片後，打道回家。

上傳數張照片與大家分享：

喂，你有冇拎遮？

陰情不定的天氣，你拿不定主意應否帶遮。

如果你有拎遮，但係無落雨，大家可能會覺得無乜所謂，或者哎吔拎多咗。

如果你有拎遮，但係有落雨，大家可能會覺得好彩有拎遮。

但事實唔係好彩，係早有準備。

任何時間，任何情況，都應該好好裝備自已，用唔著嗰陣唔會發現佢價值，但有需要就可以手到拿來。

唔好太介意拎住把遮有冇用啦。

2011-06-17

2011 年六月第一周，港島遊

買咗電單車咁耐，其實都無同老婆去遊過。

今次總於要出發啦~ 目的地係香港仔同數碼港！
呢張係路線圖：

我地由屋企出發，食個輕便早餐，就出發去香港仔﹣食魚蛋粉啦~ XD

其實都係上網搵香港仔有咩食，見呢間多食評咪去試吓~
我地叫咗炸魚蛋瀨粉，魚片墨丸瀨粉，炸魚皮同炸雲吞
其實又唔係特好味，叫做可以一試咁啦~
兩個人食咁多野都要成八十幾蚊，都唔平～
食飽飽~ 我地見有時間，就四圍行吓~

行咗陣，見有市政大樓，我地就去咗圖書館啦
XD

我地一人借咗本書，就出發去數碼港啦~

好快到咗，時間仲多，我地就睇吓書，飲 frappi~

接住落嚟就係睇
交叉人 - 頭等
(X-Men - First Class)
套戲都幾好睇，故仔比我想像中好，有冇睇開 X-Men 都推介去睇吓~

睇完戲，原本打算睇日落，𣎴過雲多，望咗兩眼，我地就決定去食晚飯啦~

食晚飯既地方係以前公司樓下一間細細既舖，叫金凱鮮庭，間野細細，但係轉食海鮮，我地叫咗麵包蟹，蒸蟶子同蝦球伊麵~
麵包蟹係法國膏蟹，啲蟹同大閘蟹唔同，加埋白酒醋個味更特別~
蒸蟶子好大隻，時間啱啱好，唔會太熟，而家諗返都流口水呀
XD
伊麵就中上水準，但係四十幾蚊，低!
三樣都好好味~

原本打算就咁完結，不過見咁開心，最尾去埋坑口食聰嫂～可惜想食既龍眼冰無晒啦!!!!
我叫咗個西瓜涼粉~

咁就完成咗一日嘅活動，好開心呢~
我終於可以車我老婆四圍去玩啦~
:D

第二日：
原本打算就咁係屋企抖，見係端午節，就去咗清水灣“行”龍舟水~
XD
haha
海灘好多人呢~

相：

2011-05-31

臭

其實都幾驚踢完波臭住撘地鐵，不過要換返條 formal dressing 仲難頂，唔好意思啦各位乘客~

2011-05-30

僭建

註：我係既得利益者

僭建問題經已非常 outdate，但係咁耐都無乜進展，政治亦無乜聲氣，因為呢個問題實在十分難搞。

情況我覺得好似學校要學生守校規，不過而家對像係全港村屋！

其實大家閒時留意一吓，有僭建嘅村屋，多過無嘅，係大家唔守法，定時代變咗？

我最唔鐘意，就係有啲專業人仕出嚟抽水，話係天台加件野就會影響樓宇安全。如果我將個玻璃屋拆散，當原料放係天台，又有冇問題呢？好多有窗枱嘅屋，成個衣櫃、床都放上去，又有幾安全呢？建築物其實有每呎可受重量，咁係咪要教育吓大家村屋天台有咩唔放得呢？

其實我一直有個迷思，睇電視，外國啲可以拆散架車點改都得，香港做乜都唔得。如果大家自律，倌既野唔影響其他人既安全，何解要咁多限制呢？

2011-05-24

新 theme

轉咗新 theme，啲廣告唔見晒，不過其實咁耐都無收過錢，係唔係仲應該留呢？

2011-05-23

30．微世界

迷上 30 mm 的微距鏡

2011-03-22

誰要為搶鹽負責？

上星期的盲搶鹽，相信大家没有忘記。很多人說，中國人的行為令人感到羞恥，不想再當中國人，但我們不需要負責嗎？

電視所見，搶的大多數是婦女，估計當中有主婦，也不排除有水貨客。

在 Facebook、twitter 及網上不同媒介得知搶鹽事件的人，除了在網上 "Like" 及發明“盲搶鹽”等字眼，你有否致電留在家中，忙著煮飯做家務的哪位主婦，不要去搶嗎？哪些人可能没有 iPhone 去 facebook，WhatsApp，他們的搶，某程度也是要為他的哪個小家庭守護些甚麼，如果有人會主動去把訊息告訴他們，情況會一樣嗎？

賣鹽哪些大財團，小店子，有為這個“羞恥”行為把關嗎？還是依舊抱著“自由市場”口號，讓哪些“收錯風”的人，以幾倍價錢去買鹽，還要坐地起價，去“有咁多賺咁多”？

很多人一邊在讚嘆日本人如何有美德，商家不但没有坐地起價，而且還減價救國。到這邊，香港人似乎只是懂得言論自由，但像我們的特區官員，“得把口，睇住問題發生”，然後馬後炮要誰人負責。

香港人，今時今日香港搞成咁，責任唔係喺人地到。