發誓

早幾日係茶餐廳食野，聽到有人話：「如果我講大話行出呢個門口就比雷劈！」中國人發誓多以天打雷劈為食言的結果，如果真係有用，咁多年嚟，相信比雷劈死的人少之又少，（因為真有的話，必定大做新聞）。咁係唔係否証明多年來發誓的人絕少食言？又或者否定咗發誓既功用？

如果發誓真係有用，我可能會發呢啲誓：
「如果我講大話就返工日日塞車！」
「如果我講大話就食 lunch 要等位！」
「如果我講大話就朝朝迫地鐵！」

唔知生活會唔會好過啲？