2008

祝各位事事順利，新一年開開心心!
:)

Wishes everything is smooth for all of you, and wish you have a happy 2008!

係到多謝咁多位一直祝福我嘅朋友，多謝你地！

Some Photos these days.

老實講，好耐無認真打過 blog, 返工無咩嘢特別，不過都可以打吓，但係好耐無出相，所以 post 啲相先。

Honestly, I didn't update my blog in a serious manna for a long time, as there is nothing special in my work, although I can may a short description on that, anyway, let me show you guy some photos first.
:)

聖誕節

不知大家的聖誕節過得如何？香港依然是哪樣多人吧？
今年的平安夜，是我生平第一次在教堂過的平安夜。在奧克蘭的聖誕，没有倒數，没有通宵營業的店子（一兩間總有），没有噴雪的年青人，一切都很平靜，很平安。
在教堂渡過的平安夜，當然没有甚麼特別，唱唱聖歌說說道理，之後就打道回屋一睡到天明。
到了聖誕當人，城市就好像十年前香港的年初一，大家也估計到吧？街上没有很多營業的店舖，而且人更少，開車上 Queen Street 簡直是前所未有之順暢。晚上回到屋內，自行預備了聖誕大餐，味道算是不錯吧？
Boxing Day，要開工，人工有 1.5 倍，算是不錯吧？這次是到馬場去當待應，人生第一次於比賽日到馬場，當上服務員，算是特別的經驗吧？

過了一個很平靜的聖誕節，想起陶傑在他專欄中寫到，聖誕節其實是一個充滿希望的節日，希望大家在這個嚴重商業化節日的背後，我們除了需要狂歡興祝，聖誕派對外，其實更重要的，是否 hope and love?

Day back to last week

又有一排無打 Blog，呢排忙咩？都係返工放工煮飯同四圍行吓，等我 day back 返去上個星期啦！

話說上星期二，係好特別嘅一日，我識o個兩個香港女仔，佢地上星期一喺圖書館撞到個嚟自香港嘅太太，咁個太太聽見佢哋講廣東話，就問吓佢地喺唔嚟自香港，咁傾咗一陣，太太要離開圖書館，但係無幾耐太太竟然打電話去圖書館搵返小方佢地，仲話第二日等佢地放工，再去探佢地，我得知呢個消息，梗喺去八吓。

我去到嘅時間，香港先生太太經已到達，同佢地傾咗一陣，原來佢哋都移咗民過嚟十年有多，似乎喺怕左回歸而移民嘅港人？
再傾咗陣，佢地帶左我地去睇吓嗰頭有咩買，睇咗唔同地方，之後仲叫我地去佢屋企坐吓。
住嘅地方同我住嗰到差唔多，不過佢地就有個花園仔，有自己種吓嘢咁，都幾開心，有生菜呀，熱情果呀，士多啤梨咁。坐吓坐吓，佢地仲叫埋我地食飯，真係開心，好耐都無食過港式住家菜，當晚真係四餸一湯，白飯任裝架！:P

其實除左傾計同食嘢，當然發現嘅嘢唔止咁少，例如呢到退休保障真係好好，每個星期政府會比成四百幾蚊 NZD 你，如果你無屋住政府仲有房屋補貼比你，四百幾蚊有幾好用？其實一般一個人一星期用二百蚊 NZD 經已好夠（連埋租間房），咁你話有幾好呢？

其實到左 NZ，就會開始諗香港生活好定呢邊生活好，喺香港，可能你做足一世，到最尾都係一個仙都無，但係喺呢邊，起碼老左唔駛仲要同後生仔爭紙皮，可以快快樂樂咁安享晚年，好多人話福利社會讓懶人，但係香港嘅生活模式又迫到幾多人癲左呢？講到咁，大家喺唔喺會諗我唔會返嚟呢？

我點都會返香港嘅，因為香港始終喺我屋企。

瞓唔到，不過打住咁多先。哈！

住花園?

今日返工，好利害，去左 NZ 其中最有錢o個幾個人間屋到開工，係邊個就不便透路。
去o個個地方其實唔係佢 main house，係別園，佢仲有間 guest house，真係利害。
入到去，都唔似去左人地屋企，似去左個公園多啲，又有網球場，遊泳池，幾個花園，溫屋，真係太多，而且我只係去左少少地方，真係眼都突埋。而且個 view 勁靚，可借我唔可以影相，
做野時間，估計大部份人都有返咁上下，不過大部份人都好有禮（其實我都無乜點見到無禮嘅人。）整體感覺良好，而且食物都好不錯。哈！
其實仲有好多嘢想打，不過都係訓覺先啦。

Today job, is going to be a private party waiter. This time I am so lucky that I can go to the house of one of the most wealthest person in New Zealand. But the house I go is not the main house, that is the house for party only I guess. The house is so large that, you can found a tennis court, swimming pool and green house there. Just like you have been a park but not a house.

For the job that day, near all people I met there are nice person, and the food are excellent. ;)

Anyway, that is an excellent experience for me in New Zealand

一個月

不經不覺，在 Akl 經已待了一個月有多，老實說，在發呆的時間也真多。找工没事做在發呆，吃完飯在發呆，不知智力會否因此倒退。過去這兩個月，可算是我人生中最没有目標的兩個月，有的也是短期目標，完成香港的事，起程，到步後的東西也是到步後才計劃，租屋買車搵工，長遠一點的，看不到。我想十二月開始要計劃一下了，基本上一月約了 Den 哥及 Will 仔遊北島，兩月開始再找工作，做幾個月再遊南島，之後 NZ 之行也差不多尾升，我想我也要在這個有 Internet 的時間找找我的智利及歐洲行的資料。不過有點可以肯定的，我到歐洲應該會找找 Flor 吧？而且要考慮 blog 要打英文呢~

都算好彩，去到十二月搵到一份好 pay 啲嘅工，希望可以為一月嘅行程預備一吓。

感想
好多人覺得咁樣好似好型，但係我覺得其實無咩特別，黎到之後真係有少少手停口停嘅感覺，有時為左啲錢，幾辛苦嘅工都要做，但係點解唔係香港做完先黎呢？要辛苦工其實香港都大吧？當然呢個可能係一個體驗，但係我覺得比我嘅沖擊其實唔大，希望去到靚啲嘅南島會有另一返體會。
另外，我有少少覺得亞洲同歐洲 back packer 搵嘅工種有啲分別，基於語言能力，亞洲人（特別喺日本同台灣）好似多數打算去搵果園工，而歐洲人嘅選擇就好似多少少，餐廳待應，雜工等等其它不同類型工作，小弟有辛搵到份打雜，中間仲要扮吓待應，講真開頭都有啲怕英文唔夠好，不過好彩o個啲地方通常夠嘈，聽唔到都可以叫佢講多幾次。
講開工作，好多時果園工都會有工頭，我試過自己 walk in 去果園做野，試過跟工頭，感覺都係自己 walk in 好啲，原因如下：
1) 部份工頭會遲一個星期先出人工，即係有咩事佢可以唔出一個星期人工比你
2) 做咩其實都係佢講，無得同老闆傾係差啲
3) 可能有不明來歷收費
4) 嚟到 NZ，點解仲要比人用中文話？

太約係咁多，不過其實仲有另一啲感想，下回分解。

拖車記

大家見到呢個標題，會唔會有啲似增相識嘅感覺？記得我喺某年某月某日嘅 Blog 都打過呢幾隻字？不過今次要拖嘅車唔喺我嗰架，而喺 Flor 架車。
佢又因為泊車問題比人拖？好不幸，唔係，而係因為佢架車爆炸出煙，迫住停係地盤門口（其實佢架車喺一個 cooling radiator 爆開左，所以有咁嘅情況）。跟住佢 send SMS 比我問我得唔得閒，見佢咁嘅情況，點都去睇吓先。
到達現場，只見其車不見其人，電話又唔通，唔通佢太傷心去左做傻事？當然唔係，其實係因為佢電話無電，又去左油站問料，所以先唔見人。

睇過佢架車嘅情況，好明顯大家都係唔識整，但喺睇到有嘢爆開咗，討論咗一陣，諗緊好唔好用我架車拖走佢架車，諗左好耐，同佢去油站買左條拖車繩，然後預備拖車。好彩剛剛有個地盤食蕉經過，我地問佢可唔可以泊住架車喺到今晚先拖，佢話唔得，因為地盤有人返，最好泊去附近某某空地，仲比左唔少拖車 tips 我地。

不過我無拖人車嘅經驗，只有比人拖嘅經驗，日光日白咁多車都有啲擔心，所以決定拖去個空地後，夜晚再返黎拖過。

唔經唔覺又到左夜晚，同佢行一次條路，覺得除左有少少斜之外都無咩問題，就瞻粗粗咁出發。一路都比想像中順利，慢車都無比人呠，無經無險到達目的地。

可能外國地方大，幫吓人拖車原來喺好平常嘅一件事。不過我估喺香港就無咩機會發生。又試多樣嘢，不過我就唔希望我要搵人拖我架車，哈哈。

新工作

標題很簡單清楚，我在這兒找到另一份工作了，這次算是室內的吧？工作是甚麼？我只能說我是一名打雜。

先說說如何找到這份工吧？
找到這份工作是在這邊一個網站，但其實之前經己申請過，不過無左聲氣，今次見佢又出，再申請試吓，不過我估再網上交 CV 都無咩用，於是搵佢 Web Site，搵到個電話，就 send 左個 SMS 去話我想做佢份工，亦都係呢個 SMS，令我得到呢份工。

份工其實係去唔同 function 去做嘢，例如 set 場，serve 客人，清場等。
由於我係新仔，所以都係做吓間單野，抺吓杯，搬吓野，不過開場後都要 serve 吓人，都係幫人開吓啤酒，倒吓紅酒，倒吓香檳咁。我覺得最有用係喺一個全英文環境點做應對。仲有試吓比人點係咩感受，都係一個唔錯嘅經驗。

點解轉工？當然係呢份人工好啲，哈哈，咁我係 Auckland City，我覺得做吓 City 嘢會好啲，反正摘多一個月士多啤梨都唔會有咩新野。 :)

車之周六日

上一個星期六日，都是和車有關的，星期六早上，和 Flor 去了一個 in city 的車展，哪個車展是我買車的哪個，老實說選擇不多，我買到車真的有點幸運，我說到這𥚃，相信大家也知我們空手而回。不過去車展之前，我們去到一個每星期六朝才開的市集，市集內有農產品、熟食、乾貨衣物等，算是不錯呢。

去過市集及車展，中午其實計劃找小方（新的香港朋友）去 Muriwai Beach，不過時間還早，便跟 Flor 去 Parnell 食杯咖啡，我還是第一次喝這麼大碗咖啡呢！

喝咖啡途中，收到小方的求救短訊，就跟 Flor 提早出發往她工作的地方接她，之後吃過簡單午餐就出發往 Muriwai Beach。

最初以為往 Muriwai Beach 的路跟 Piha 一樣難走，相對之下這條路易走很多，到達泊好車，便往海灘出發。

相對 Piha，到 Muriwai 滑浪的人多很多（可能天氣問題？）而當天超曬，海灘的沙也是超熱，幸好我的腳没有熟。當日情況不再詳打，還是看相好。 :)



離開 Muriwai，去吃晚飯，這次又是吃中餐（其實是港餐），Flor 點了星洲炒米，我和小方就 share 一碟生炒牛肉飯（這兒的飯真的大碟）。兩個炒炒味道也不錯，相對上次夾完又跌跌完又夾的經歷，這次星洲炒米易對得多。

吃飽飽，到小方的宿舍呆了一會，看過咸哥的銀河隊先失一球，就離開，離開前還試了小方同屋的日本朋友整的日式燒餅，味道不錯。

離開回到 City，因為時間還早，打算和 Flor 去海邊拍拍日落時 Harbour Bridge 的照片，可借小弟行錯路及睇錯地圖，我們跑到 Harbour Bridge 上去，噢，在穚上看日落雖不錯，但在車上以 80 Km/hr 去看絕不有趣。

結果當然是找一個最近的出口，打算回到 City 去，不過細看地圖，出口這個地方也可能是一個好地方，於是決定試試。到了一個泥 / 石灘，看過去 Harbour Bridge 的景還不錯的，而且哪裹很特別，會見到一架架船定在灘上，應是因為水退吧？我跑到灘的外邊拍照，但愈拍愈不對勁，水愈來愈漲，為免就此告別大家，我唯有離開。

星期日，再去車展
由於這個車展大很多，我和 Flor 估計會買到車，所以泊好車後，打算坐火車去車展場地。之前 check 好左坐 8:10　嘅列車，去到車站，車站嘅人叫我地上去坐巴士，似乎係因為唔夠人坐火車，所以用巴士頂，但係架巴士 8:55 分先開，駛唔駛遲咁耐？喺巴士站等車嘅時間，有當地電視台拍緊廣告，咁我哋當然無阻住佢拍，但係佢地就有咗住我地等車，因為佢地拍個 shot 係要無車嘅！搞到啲巴士遲晒！拍左幾個 shot，突然導演想要人做路人甲乙丙丁，咁我就彈左出去做路人丙啦，唔知第時會唔會喺呢邊嘅電視見到我呢？

終於上咗巴士去咗會場，會場雖大，但係 budget 內嘅選擇實在有限，我地睇咗好耐得一架車 ok，不過車主實在唔多錫車，車身有多處傷痕，不過試實機械方面似乎正常，最尾就買左呢架車。
由於 Flor 榨慣左呔，所以回程就由我榨，去到 City，泊好車，食埋 Lunch，交返架車比佢，買車日就此完結。