香港最大的改變?

離開香港，回港之日，對我影響最大的改變，會是甚麼呢？區議會選舉？立法會補選？
都未必是，最大的，應是兩鐵合併吧？

永別了
KCR

Job seeking

原來成個星期無 update，呢幾日都係開工放工同搵工，不過其中一日就拎左架車去做全套 service check 同換機油，雖然佢 service record 都好新，但係點都係自己 check 吓好，順便洗埋 engine，做完個 service 架車靜左， service report 一齊良好， good！

咁等可以拎返架車嘅時間，我就去左 Dominion Road 行吓，呢到係我之前提過有機會變唐人街嘅街，舖頭都算係咁，不過全部都細細地，有機會再行吓。

食嘢方面，其實我經已整過鎮江骨同腐乳炆雞架啦，仲炒過飯 tim~

做野放面，都係摘士多啤梨，搵工方面，開宗明義話自己係 Working Holiday Visa，多數都唔請，去 Wendy's 交左表，去機場嘅見過工（Burger King），都去搵過士多啤梨 pack house 搵工，但我到今日仲係一個摘士多啤梨維生嘅人。

我聽日會試吓打詳細少少嘅 blog 架啦！

日落周六日

摘完士多啤梨嗰日我去咗做咩呢？喺屋企覺？呢個雖然係一個幾好嘅活動，但喺我反而去左行山，呢個行山活動一早同 Flor 約好咗喺去一個叫 Waitakere Ranges　嘅地方。

呢邊（新西蘭）嘅行山路徑同香港分別都幾大，第一，無乜石屎路，好少少嘅會喺石仔路，其它可能係爛泥，不過我覺得都唔算難行。另外就係環境，呢邊好多樹，唔似香港行山，頭頂乜都無。不過有好有唔好，頭頂無野可以睇吓風境，我就只係見到樹樹樹樹。

當日就無乜特別，都喺行路~

行完山我去左 Piha Beach 睇日落，當日情況？有啲相大家可以睇吓~ （哈又去 Piha，因為開車去好近）

而跟住嗰個星期日，就真喺休息休息啦，不過黃昏又去左睇日落，今次係 Mt Eden

草莓園後感

突然又想打 Blog，正在常打之前記下的點子，或是生活的東東呢？没關係吧？

打打我的第一份工作吧？找這份工是從報紙上找到，一早榨車去，入到果園，登記左少少資料，有人簡單教左點做，就開工，真係簡單，哈！
工作環境方面，算大吧？我没去過其它果園。工作方面，其實也很先進，每人有員工編號，以手紋登記，每朝要開工，到機器前登入，就會有一些貼紙印給你，用來記下你採得的果。

士多啤梨一行行種在地上，中間有“行人通道”，每行內有四直行士多啤梨，每人負責摘左右各兩直行。由一邊摘到另一邊，之後有專人來收。點算方面，我們只要把早上得到的貼紙環在收集籃上，就會有專人 QC 及計你該籃有多重，但由於在工場進行，我摘了多少也是“估估吓”。

由於是種在地上，要摘在地上的東西，方法也不多吧？彎腰、“茂”喺地、跪喺到。小弟採取前兩個方法，結果返到屋真係好攰。而摘方法，其實唔難，不過我慢過其他人幾多，哈哈，不過第二日已有改善，睇吓再做會唔會快手啲。

其實我一直有個迷思，因為我地係計 Kg，我快手做完一行好定唔好放過每一粒好呢？因為我做得慢，會睇到人地摘漏咗咩，咁我就順手摘埋，因為好少人會返睇。不過經過今日最後一摘，我開始明白摘得快有咩好處。因為全部田嘅收成都唔同，有啲好多，有啲好少，少嘅可能睇多過摘，多嘅而係怕你睇漏。做完一塊會去下一塊，咁就可以試多幾塊田睇吓會唔會去到塊多嘅。當然我都要加快摘果嘅效率。

其實在摘士多啤梨的同時，見到很多不同的東西，在這兒摘果的人，似乎像我這樣的旅行者不多（可能果園問題），有的是老人家，有的本地人，老人家來的目的是打發時間，順便爭點錢，本地人呢？倒没問長問短，因為大家工作的時間就是金錢，這可不是一個時薪的工作，多摘一粒也多點點錢。
地方大，有塊田，唔同人可以因為唔同理由搵到嘢做，呢點香港相信比較難做到，因為香港有地都拎左去起樓，邊會拎嚟種嘢。打住咁多先，聽日去行山，早抖啦各位！

One Tree Hill 及工作

士多啤梨

呢幾日又無打 Blog，我去左搞乜呢？其實都好多嘢搞，又係時間打返出黎。
有日無聊嘅時間上左 One Tree Hill，One Tree Hill 上面原本有一棵樹，但喺其實而家 One Tree Hill 經已變左做 None Tree Hill 㗎啦，不過喺指個 Hill 唔喺個地方。成個山頭，羊 _ 處處，一不小心就會踩中。

講多無謂，睇相最實際



另外一樣，唔知喺好消息定，就喺我搵到工啦，喺做 Strawberry Picking。工作地點喺機場附近，離我住嗰到車程約十五分鐘，工錢 0.4 NZD / Kg。不過做幾個鐘都攰到 PK，每日可以由朝早六點做到下午兩點。不過我都係做三四個鐘就閃人，每日我計過搵到最多四五十蚊，睇嚟我都喺再搵過其它高人工少少嘅工。做左 Strawberry Picking，有感而發，提左首詩
摘梨日當午，汗梨禾下土。
誰知盒中梨，粒粒皆辛苦。
影左少少相，有精神少少再打多啲。

外遊的 Weekend

大家係唔係好奇怪點解我做完 Assignment，都無 update blog 呢，其實呢幾日除咗搵工作外，另一件事就是表哥嚟咗搵我。哈！
一早約好左星期六當日我會幾點去酒店搵佢，我就預早少少，去買啲嘢同入埋油，預埋塞埋車時間過去。點知嗰日唔塞車，搞到我早到左成個鐘，哈，不過因為知佢剛落機攰，無咁早起身，就四圍行吓，去左個唔知咩公園，影左啲相，大家可以去睇吓。

到差唔多時間就去搵佢，上到佢房搞吓呢樣嗰樣，等埋佢個同事，最尾七點離開酒店出去食飯，我睇見 Lonely Planet 介紹一個叫 Ponsonby 嘅地方，話有好多嘢食，就提議去搵吓有冇嘢啱食，我睇過幾次地圖，叫埋表哥做領航員，就開車出發。一開車，轉左兩個彎，點解同地圖唔同嘅？轉左個圈返左酒店，再次出發，噢，點解咁似上 highway 嘅？說時遲哪時快，我地經已上左 Highway，一上就過埋橋去左北岸。我哋當然第一時間搵個出口走，跟住掉頭返 downtown。沿 Highway 返 downtown，行吓行吓，原來有另一個出口去我地嘅目的地 - Ponsonby，可惜車程由原本嘅十分鐘變左半個鐘有多，到達時經已約不多八點，好多舖頭都打烊。行左一陣，決定返 downtown　食嘢。搵埋位泊車，搞搞吓都成八點半先去到餐廳，我地點左一打生蠔，兩客 Mussel Pot，佢仲有免費薯條送。生蠔肥美，薯條又好味又唔油，而呢邊嘅青口真係好味過香港嘅青口好多好多，大隻又無怪味，大家有機會都要試吓，食飽飽就返酒店休息，預備聽日行程。

11/11 Piha 之旅
原本有幾個地方可以去，最尾決定去最遠嘅 Piha Beach，聽講係 Auckland 其中一個好熱門玩沖浪嘅沙灘，我哋朝早十點飲個早茶，車佢地去買手信，就出發往Piha。Google Map 同 flatmate 都話車程約一個鐘，睇過點去，抄低左就出發。今次相對順利咁上左 Highway，可借出左 Highway，問題又出現，第一，路又無寫清楚佢係咩路，二，我無地圖喺手，結果行行吓又上左 Highway，不過方向去出返去 City。
=.="
掉返頭去原本記低個出口，搞左一陣先搞清楚自己行嘅方向無錯，又行呀行呀，行行吓發覺要搵嘅路好似唔見左，結果唯有發揮路在口邊嘅精神，去油站問人！經高一指點，我地㚵於見到有個路牌寫住去 Piha 啦！Yeah！
不過不幸嘅事通常就喺呢個時間出現，去到一個分叉路口，大家睇完個路牌都有啲奇怪，係邊條路打邊條路呢？我地試咗左邊條路，但係行行吓又無路牌，又好似好遠都無得掉頭咁，結果喺一個避車處掉頭，返出去再睇吓個牌。睇完都有啲奇怪，結果梗係問人！原來我地行條路係無錯，頂！早知唔返轉頭，再經過十多分鐘車程，我地終於到左 Piha。
不過去到，個天都唔知係唔係玩嘢，我哋去嗰陣就曬到 PK，去到就無左陽光，得返個海灘。不過好彩風景都算係咁。影吓相，四圍行吓，玩吓啲比細路玩嘅遊戲，咁就預備走人，無上到當地聞明嘅 Lions head，下次去過。:)
回程都算順利，不過其實去同走條山路都幾難行，雙線雙程條路又窄，真係全程要打醒十二分精神，不過大家見到我打 Blog 都知我平安無事。
出到去，上埋 Mt Eden，食埋個晚飯，咁就過左個 weekend，以吓就喺呢兩日嘅相。

相

呢幾日好天，出左去影相

8/11 的晚上

為慶祝小弟做完 assignment，當晚就搵左 Flor 去陪我食晚飯。
原本諗住喺食飯前搵個新黎既香港朋友，但係時間就唔到，結果都係放棄左。
泊左架車喺 YHA 附近，沿住 Queen street 行落去睇吓有冇車位，但喺免費車位比人泊晒。
行到去 Flor 住嗰到附近，收到佢電話，約左喺一個有足球場咁大嘅地方見面，好彩都搵到，見面後就去搵嘢食。
其實大家都無咩目標，亂咁行，行行吓醒起佢無咩食過中式嘢，就同佢去咗上次同 Den 哥食間餐廳。
間野其實似茶餐廳多啲，有燒味同炒野，我一坐低，聞到人地碟干炒牛河香噴噴，顔色同賣相都好靚仔，上面仲有芝麻，哈！我諗都唔諗就決定嚟返個干牛河。
Flor 就睇咗好耐，我都有解釋吓喺咩，但原來自己好白痴，燒肉同叉
燒有咩分別都講左好耐，好彩佢得油雞無白切雞，唔係一定解釋得更耐。原本我都諗過解釋燒鴨同燒鵝有咩分別，但係查唔到鵝既英文係咩，唯有放棄。
佢睇左好耐，起初諗住介紹佢食叉燒燒鴨，但係佢聽過我講中式既雞好味好多，唔似呢邊啲雞似食香口膠，結果佢要左油雞燒鴨飯。
話明間野似茶餐廳，附送例湯呢樣到都先低死。當晚應該係菜乾豬骨，德國香腸就多，邊有菜乾架，咁我又試下解釋菜乾係咩，跟住又要講吓白菜喺咩，都唔知好唔好彩，白菜英文叫 Pak Choi，我係咁 Pak Choi其實我都唔知佢明唔明，不過佢話好飲就得。
兩碟嘢分別喺我柯篤 _ 同飲啖湯嘅時間就到，連上菜都有香港咁快，勁！
我先比我個干牛河佢試，佢又話好味，都唔知係唔係乜都話好味，不過其實真係唔錯。
到佢食個飯啦，佢好禮貌咁問我試唔試，不過我話我喺香港成日有得食，唔駛啦。哈哈，幾衰。
當我食左兩啖牛河，問題出現啦，不過唔係碟牛河，原來佢唔多食揸筷子同"o倫"骨！ OMG！點解我無醒起，佢兩味都有骨，點算！？見佢夾起又跌，跌左又夾，夾起又碌去第二到，咁食成晚都食唔到架？去到呢個地步，唯有試吓再教佢揸筷子，教左一陣，佢有進步啦，雖然都有跌，不過最緊要食到。
食完飯，佢話搵甜品食，結果喺去食左個冬甩，哈。
再吹吓水，咁就過左一晚啦。
:)

以下係小弟個“行程”

View Larger Map

完了！

哈總於完成 assignment 了，可以再次打 blog 打得詳細啲。
好彩我都有簡單寫低有咩要記~哈！
但係其實時間都亂晒，寫咩好呢？
不過講吓我離開左香港成個有冇咩特別？
其實有件事幾特別，離開香港時都有發生，就係每到 hostel，我都係第一晚訓得特別好，跟住就一般，好易醒，仲會發埋啲好古怪嘅夢。例如夢見一啲好耐都無見又或者唔係好熟嘅人。啲夢真係好奇怪，不過我經已唔記得左係咩啦。哈哈！不過可能因為 hostel啲坐唔好訓，又大聲啦（即係一轉身就成房都知你轉身）。
不過自從搬左去呢間 house 後，就無咩怪夢，仲成日訓到唔知醒，哈哈！
另外仲有咩呢？我諗都係一個人四圍去，但係去埋啲人多嘅地方就好奇怪咁，因為人地都係一大班或者一對對，我就好似去睇戲咁，感覺都好特別，哈！

雙重標準

Yahoo 將一個用戶的 IP 給資料交給中國政府，老闆被人狠批是道德侏儒，沒有骨氣。引自蘋果‘楊致遠說，當日根本不知向北京供出涉及政治異見人士的資料，而且雅虎要繼續在中國市場運作，就必須依照中國法律行事，而雅虎一直致力「全力保護人權」，所以「不認為雅虎有人試圖做錯事」。他這番辯解，令與會議員為之氣結，群起攻之。議員指摘卡拉漢去年2月作證表示不知道北京調查師濤涉及政治，是作出虛假證供，因為有文件顯示北京當年給雅虎的通報中表明，當局正在調查一個涉嫌向外國洩露國家機密的雅虎用戶的資料和訊息。”

如果 Yahoo 向美國政府提供一個用戶的 IP ，阻止了塔利班，塔利班又向 Yahoo 投訴嗎？我不相信美國中情局要求 Yahoo 提供用戶資料時會詳細說明哪用戶犯了甚麼事，難道中國政府又會向 Yahoo 說明我是來查反六四的人嗎？這樣說，即是美國的國家安全就合理，中國的國家安全就不合理嗎？

不知是否言論自由刀子架到自己頭上，早前反對李生言論的明報也批評 Yahoo 起來，
http://hk.news.yahoo.com/071107/12/2j20z.html
說 Yahoo 取財應有道。要保護師濤的私隱。甚麼私隱要保護，甚麼是國家安全，從來都是國家定下來的事，哪有機會給你一些私人公司去管？

中國人權有待改善，六四問題有待平反是全世界也知的事，明報是不是叫全世界未認同中國人權現況及六四未平反之日，不要到中國做生意。哪跟李生叫人利用奧運施壓有何分別？

7/11

Assignment 努力中

晚餐

原本今晚打算簡簡單單食呢個生菜加蝦丸加麵，預備出去整嘅時候，見到房東喺到整餃子。八掛嘅我梗係睇吓人地點整，睇吓睇吓，另一邊廂嘅房客喺到整緊水煮肉片。
原來水煮肉片好易整，有機會返到香港整比大家食，哈哈！
咁我偷緊師整水煮肉片嘅時候，餃子整好左，仲食緊 tim~ 房東叫我去整吓，我當然義不容辭拎起碗筷走去試吓。味道不錯，哈哈，不過呢味比較需時，都係諗吓學唔學。
咁結果今晚喺食我嘅正餐之前，分別試左餃子，五香餅同水煮肉片。哈哈！

十一月初

十一月初，Auckland 嘅天氣唔多好，我都為左份 assignment 成日留係屋企，由於 Den 哥，Will 仔等都離開左 Auckland City，認識仲有聯絡既 Hostel 朋友，只喺得返 Flor 係 Auckland City。不過佢要返工，都唔會成日搵佢，等我快啲做好份嘢，我都搵份工先！

P.S. 天氣唔好成日落雨，呢邊而家都幾涼。

十一月的第一天

這幾天又是怎樣的生活呢？
十一月的第一天，是最後一天和 Den 哥和 Will 仔相處的一天，因為 2/11 他們就出發往另一個地方找工作去，白天我也是留在家中做 assignment，晚上就出外和他們用饍。
大家也没意見吃甚麼，由 YAH 出發，沿住 Queen Street 搵落去，經過食過既 Pizza，覺得唔低食既日本野，去到一個商場既 food court（呢邊既 food court 其實好細，得十幾張枱）睇完 Will 仔覺得唔啱食，行到 Queen Street 頭，都未有咩意見，但係因為要去 Sky Tower，結果去左食泰國菜。我叫左個紅咖哩牛，Den 哥要左冬蔭公飯（即係一湯一飯，哈！）Will 仔就係類似蝦醬炒飯嘅嘢，味道算不錯，雖然我個紅咖哩唔似紅咖哩，哈！

之後上左 Sky Tower （係乜？咪好似澳門個旅遊塔咁）因為無拎腳架同用細機影，D 相麻麻，不過都係到比大家睇吓。

去完跟住就各散東西，呢晚我好返就搵返架車仔，亦都好快咁就返到屋。
:)

今次打住咁多，聽日大家再睇啦！

生日快樂

感激身邊每位支持我的人。
在定下這一年旅遊計劃，從没認真打算過離港一年會發生甚麼（其實也打算不來）。一直以為一年只是很短的時間，一直以為妳也會不太在意 ﹣直至發現妳哭了。
在離港前的一晚，感到妳的淚水從妳眼𥚃湧出。我心痛了，我原來傷害了妳？忽略了妳麼？感謝妳容忍我的任性，接受我的自私。在走入離港大堂的一刻，妳又哭了，此時我知道說甚麼也没有用，我没說甚麼，道別後進入離境大堂。離境，上機，吃過飛機餐，心情也大致平靜，直到提筆寫給妳的電郵初稿，我的眼淚不知從哪裹跑出來，筆跡也看不清楚，在模糊不清的眼光下，完成了哪封信。
此時，一首歌在我心內響起，在此，作為妳的生日禮物：

太美麗
詞:陶喆.娃娃 曲:陶喆

每一滴眼淚 每一次心碎
什麼愛能無疚無悔
不灰心等待 痛苦也忍耐
妳堅持愛了就不後退
我知道我不是一個輕易就會說愛的人
沒有想到這樣的妳 卻改變我

太美麗 太美麗
妳的愛是多麼的甜蜜
太美麗 愛讓我也美麗
現在我不再懷疑 我不懷疑有多愛妳

每一個腳印 每一朵烏雲
說著我的飄忽不定
傷妳傷好深 別人早就要放棄
為何妳還是會給我寬容
我知道我不是一個輕易就會說愛的人
可是妳堅強的付出 都改變我

太美麗 太美麗
妳的愛是多麼的甜蜜
太美麗 愛讓我也美麗
現在妳不必再去懷疑

當妳在風雨的未知裏走過
當我在迷失的自我的漩渦
交會在黑暗中 妳我發出了新的光芒
現在我已全明白 什麼是愛的真意

太美麗 太美麗
妳的愛讓生命太甜蜜
太美麗 只有對妳感激
越過表面我看見妳
美麗的心 妳最美麗

十月尾的經歷

打完上一篇千字文，再無打野，哈，因為要做 assignment。
咁呢幾日當然唔係坐係到啦，其中一日係出左去，去左 Auckland Museum 同 Devonport。

先按時間講返有咩發生

10-30 Auckland Museum, Devonport 之旅
呢日約好左 Den 哥同新嚟嘅 Will 仔去呢兩個地方，原本諗住揸車去接佢地，約好左九點半到達 YHA ，點知唔知發咩神經，行錯路，結果要十點先到達 YHA，接住去 Museum 都叫順利。去到 Museum 天氣好唔錯，大家喺門口影下相，跟住就入去。其實入去 Museum 參觀喺唔駛錢，佢叫你捐五蚊比佢，不過咁啱有個 Darwin 嘅展覽，好似幾吸引，於是大家就放低左 NZD 15 去購買入 Darwin 展既門票。入到 Museum，有毛利文化同有關大西洋既展覽，仲有 WW I 同 WW II。睇晒三層嘅展覽，大家奇怪點解搵唔到個 Darwin 展？睇完地圖再睇水牌都無咩進展，最後梗係問人。最尾終於搵到個場地，入去場地之前，其實大家經已好肚餓，於是大家喺 Museum Cafe 食左個 quick lunch，我就飲左杯好靚既 Mocha，大家可以搵相睇。
食完嘢飲埋杯咖啡，喺時間去睇個值 NZD 15 既 Darwin 展，入到去，頂！點解三分鐘就行晒！？字就係多，但係呢啲嘢我喺 Wikipedia 都睇到，駛乜山長水又遠嚟睇？仲要收我 NZD 15！？加上好多嘢以前都學過、聽過，場地只係得大約一個籃球場咁大，早知食咗嗰 NZD 15 蚊就算。最尾大家充滿住不滿咁填完份問卷，就預備去另一站 - Devonport

Devonport
離開 Auckland Museum，齊齊出發往 Devonport （其實喺去碼頭轉船）。由於唔知邊到有得泊車，左睇右睇終於搵到個爛地露天停車停，一睇價錢，咩話！？爛地都我 NZD 18 三個鐘！我地又拉隊去搵另一個車場。去到碼頭附近嘅停車場，泊好車一睇，咩話！？收我 NZD 32 三個鐘？駛唔駛？結果都係死死氣去返個爛地。幾經辛苦總於泊好車，就去碼頭坐船。其實船程好快，得幾分鐘，到左 Devonport，就去所謂既著名境點 - Ｍt Victoria。去到山腳，大家都行到勁熱，睇一睇錶，原來成三十度，但係轉頭上到山頂（其實兩三分鐘），有風吹一吹，又變返二十三度，日間溫差都咁大，你都咪話唔驚。上完山，再去左其它地方行吓，咁就完成左 Devonport 之旅，其實唔係無嘢睇，只喺我去得遲左少少，好多館都收左。原本諗住喺 Devonport 食埋晚餐，但係太貴，打消左念頭，我地睇餐牌既時後，仲有個洋人話我地知邊到邊到有壽司店，一定以為我哋係日本人啦。

結果大家係去左超市買野，再返 YAH 煮野食。

10-31 YHA 之牛扒餐
呢日真係無乜特別，都係做 assignment，特別在係我地約好左要食扒（超市買的）。
我七點半去到（呢次無行錯），開始預備，晚餐如下：

紐西蘭清水煮特級馬鈴薯
紐西蘭第一 “Wattie's 茄汁豆”
免費高級植物牛油香煎紐西蘭牛扒伴頂級紐西蘭蘋果
牛油香蒜炒中國小白菜皇
魔戒三部曲拍攝地 - 紐西蘭原產紅酒

我同 Den 哥同 Will 仔各自分工，先由 Den 哥做呢個水煮馬鈴薯，咁我就預備呢個蒜頭嚟炒菜。煮到咁上吓，德國代表 Flor 到場，我梗係請佢呢位由細食薯仔食到大嘅外國名廚去幫手睇住啲薯仔。我同 Den 哥就預備著手香煎我哋塊頂級牛扒，而 Will 仔就預備去炒個菜。
由於塊牛扒都成一點五厘米厚，於事我地預備先用猛火去煎熟表面，鎖住肉汁，再收細少少火去將牛扒煎至五至七成熟（視乎個人口味）。牛油起鑊煎牛扒呢啲低難度嘢，對我梗係無難度，當我猛火煎好一面，想將塊牛扒反轉既時候，塊牛扒竟然出現段層！？OMG！原來唔係一大塊牛扒，係一大叠牛扒！@#$！呢個時候我地唯有改變計劃，將厚煎牛扒變為煎薄牛扒。
雖然技術撘救，牛扒最尾都無過老（係過老，即係而家都老），而肉汁亦無法鎖住，突而奇來嘅段層亦令我地無準備咩汁。好彩食落去都有肉味同唔似牛肉乾或者香口膠，但喺要增加塊牛扒嘅汁，大家只好用蘋果或者茄汁豆嚟送牛扒食，去到呢個地步，大家都無晒預奇既興奮，都係怪自己細個唔讀好啲英文，唔識睇包裝。
食完牛扒，我地四個玩左陣 Big 2，咁我就預備搾車先送 Flor 去佢既 apartment（佢搬離左 YHA 啦終於），然後車自己返屋企。

出到去搵吓自己架車，點解咁大家車會唔見左呢？雖然夜晚係凍啲，但係架車唔會因為熱脹冷縮變到細到唔見咗架，呢個時間我心入面只係有兩個想法
1) 比人偷左
2) 比人拖左

由於小弟架錢七都唔值咩錢，我覺得係 2) 多啲。
但係夜麻麻十一點半，可以點呢？唔同我要訓街？好彩 Flor 願意借佢個地下比小弟過夜。
不過我唔甘心咁樣就要訓地下，再左搵右搵，睇吓我架車仔會唔會比其它車撞到唔知去左邊既時候，見到有架“乜乜 parking”既車，上前問吓係唔係佢地拖左我架車。查詢過後，應該係比政府拖左，佢地左個地址我，我梗係去試吓接返架車。
拎左地址，梗係跳上的士，第一時間去試吓搵返我架車，點知的士司機話佢唔識去！ WTF ！點出嚟行！好彩 Flor 有本 Lonely Planet，睇過地圖，我地決定行去！用左十分鐘既腳程，終於到達，去到放低 NZD 25，接返架車，拖我車既理由係泊車出界，我頂，好多車都出界啦！最衰仲要係十一點十分先拖，如果我早啲走就無事。不過點都係自己衰，我一定唔係再比 NZ 賺我呢啲錢！（仲有 NZD 130 要交，WTF！)
拎返架車，車返 Flor 去佢 apartment，順便參觀吓，跟住就返屋企，返到去都成點，唉！睇黎我呢排都無咩運行。

講到十月尾先啦，十一月嘅再講。

*** 其它 ***

離開左香港都兩個半星期，我到底有咩改變呢？
1) 鼻敏感無左
喺澳洲嗰一個星期都仲有鼻敏感，但係到左紐西蘭就無左，可能紐西蘭空氣好啲，又或消除鼻敏感要一段時間，不過紐西蘭勁多地衣，應該空氣好好。

2) 打左多 Blog
呢個相信大家有目共睹

3) 更注重英文同普通話發音
英文發錯音，老外聽唔明，為保港人面子，唔好成日比人話港仔英文差，我梗係努力啲去講！另外身處普通話家庭，普通話都喺要講得似樣少少先溝通到。

4) _ 都柯多左
到左通常食兩樣野做早餐，一喺就係牛奶沖沖早餐，一喺就香蕉，吔多咗蕉，真係 _ 都柯多兩篤

5) 早訓左
嗯，因為想生活健康啲。（定係因為無咩野做呢？）

6) 朋友既 blog 睇少左
因為呢到上網太慢...

7) 留意香港新聞多左
因為身不在香港

8) 嘢食少左
樣樣都貴，唔捨得食。

大致上係咁多，又喺時候睇相