最強規格BB

早陣子參加了一個 BB 半歲生日會，當中遇到一位非常有趣的媽媽，她每見到一位媽都會問一系列問題，包括吃甚麼奶粉，便便情況，身高體重等，感覺似是規格比拼，資料如下：

這樣對比，有用嗎？感覺就像對比手機規格，哈我的手機是四核，你的還是兩核？我的 BB 經已支援最新的糊仔工能，甚麼你的 BB 仍停留在吃奶 v 1.0（還會嘔奶）。我明白很多父母希望將最好的給予自已的下一代，但畢竟他只是六個月的人仔，而且每個人的發展不同，需要這樣去作比對嗎？而且我有一點很懷疑，就是 BB 每天便便次數好像愈多愈好，但我認為便便其實是纖維，或不能消化的東西，太多便便意味著其實 BB 吃的東西內有很多都未能吸收，所以要排出。我認為健康的 BB 是有規律的便便。

是否大部份港人只著重一些可以量化的東西呢？根據這個 BB 規格，我經已可以推選出最強規格的小孩。下回跟大家分享。

2012 立會選舉之我見

人大咗，更加留意社會，今年立法會選擇，我坐定定睇選舉論壇，不是為睇 show，而真想看看哪一位議員較有實力，可惜十分失望，没有理性辯論，只有駡戰。

總結如下：

1 公民黨: 梁家傑、譚文豪
基本上都係幫自已洗底，重申自已的宣傳口號，其餘大部份時間都係回應朱婆婆同居港權事件。

2 工聯會 黃國健、簡銘東、莫健榮、何啟明
打東九輕軌、基層同告急牌

3 社民連 陶君行
向民建聯開火，例如領匯同港鐵上市

4 獨立 嚴鳳至、陳向然
宣傳理念，間唔中比位公民黨拎分，可能梁家傑回應唔多關事

5 民主黨 胡志偉、莫建成、韓家銘
基本上都係重申政改係好事，同回應密室會議，及後向人力開火

6 民建聯 陳鑑林、黎榮浩、洪錦鉉、柯創盛
建議東九起動，同比人圍攻多，間唔中同工聯會互問，

7 獨立 謝偉俊
向公民黨開火，同比人問佢同西環關係

8 人民力量 黃洋達、陳秀慧
在我嚟講有啲失望，有佢講無人講，人地回應佢佢就話人無資格，人地問佢就話人九唔撘八，唔同論壇都話民建聯最經典爭取個廁所，同攻擊民主黨。

9 獨立 譚香文
攻擊謝偉俊同民主黨，sell 會計同女性

其實我最失望係唔同黨係唔同區都係攻擊其它黨同一個點，佢地花咁多人力物力準備都係得啲咁既質素既問題，實在令我非常失望。