某日在街上

發現了這個 SSID


=_="

聖誕途上

From 2008-12-06 Snap

少食碳水化合物人會變得蠢

報紙話少食碳水化合物人會變得蠢，睇嚟大家減都要減得有方法，免得愈減愈蠢。

http://appledaily.atnext.com/template/apple/art_main.cfm?iss_id=20081214&sec_id=15335&subsec_id=10943028&art_id=11966014

KRAFTWERK Live in Hong Kong

老實說，事前想了很多次去或不去，畢竟花近七百大圓去看一個“演唱會”，是我近年看最貴的一個，再者，如果只從大碟及 YouTube 去認識 Kraftwerk 的話，我的確會懷疑我會不會睡著。

不過，始終他們可算是電字音樂的始祖，由 1970 到今天，玩的來來去去依然是廿多首歌曲，今日找回當年的作品，感覺並不過時，為了去看看大帥是否真的大師，結果我跟七百大圓說了聲再見。

幸好，昨晚没有令我失望，可以說有點喜出望外，場地方面，跟我預想的没大分別，全企位，大家可以行行企企，還可以買啤酒和食物。

而歌曲方面，雖然其實跟聽 CD 没有兩樣，但現場音效加上視覺效果，令整個表演變得不一樣，整晚實在不覺得沉悶。或許你看 Youtube，會問“幾個呀叔企喺到有咩好睇？”不過我可以說，如果他們搞一點氣氛，大部份觀眾應會隨歌起舞。（的確在兩小時多內，是有人不斷跳舞的）

兩個多小時過得很快，離場時效特別的，是看到不少“潮人”和“型人”，衣著打扮也別有“風味”，一身返工 look 的外，感覺自己是由第二個星球來的。

到這𥚃，你會對 Kraftwerk 有興趣嗎？以下這首歌，或許你會有點印像。

十二月六日的早上 (Morning of 6/12)

十二月六日的早上，跑到深水埗，再去尖沙咀，轉乘小輪到中環，再到銅鑼灣，只用了五個小時。花了點錢，拍了些照片。

還有，聖誕快樂。

最初不派包機是集體決定

唐英年強調，在決策過程中，政府各層都有密切留意事態發展，就形勢作出部署，不存在管理層真空。他又指，最初不派包機是集體決定，整個團隊為事件負責。

不需個人負責，倒不如集體負責吧？

唐英年：不存在管理層真空 政務司長唐英年指，在處理滯泰港人事件過程中，政府各層都有密切留意事態發展，不存在管理層真空。

港漢擋車救懷孕妻遭輾斃

備受汽車業萎縮困擾的美國工業名城底特律，再添一闋悲歌。一名香港移民為救懷孕七月妻子，捨命以身擋車，結果慘被座駕輾斃，妻子雖告受傷，幸能保住胎兒。

於華人社會，大約會說這個胎兒腳頭差，未出世就克死爸爸。原因為何？我不知道，但其實，那個小孩就可能一生背負著這個“克死老豆”的名義，公平麼，開心麼？

其實，大家這樣想可以嗎？

親愛的 _ _：
對不起，不能對現當初的承諾，我想給妳的，都没法給到。我能為妳留下的，只有我倆的塊寶。雖然他仍在妳的懷內，但我希望，他將能把我的的愛帶給妳，成為妳的守護天使。

愛你的某某

港漢擋車救懷孕妻遭輾斃 (星島日報報道)備受汽車業萎縮困擾的美國工業名城底特律，再添一闋悲歌。一名香港移民為救懷孕七月妻子，捨命以身擋車，結果慘被座駕輾斃，妻子雖告受傷，幸能保住胎兒。

五年

原來 Dido 經已五年没有發佈唱片，五年前的 Life For Rent，可算是其中一只我最喜歡的大碟，五年後，終於等到她再次發佈大碟 - Safe Trip Home


封套令我想起 Discovery Channel，希望這張大碟也不錯吧！

哼哼哈嘻

不要問不要知，我也不知為何用這標題，有得你看就好。

上了“新工作”已接近三個月，下星期四就是第三個月，感覺像過了很久，可能因為太多工作把？基本你不用怕没有事做，只要怕自己做得夠不夠快和夠不夠好就夠了。希望之後可以多一點空間做得更好，不只是做得更多。

在新公司，特別的事可算是由今天起連續三天有同事結婚吧！在金融海潚下，我們也可以連續三天「魚翅潄口」，真的算是奇蹟。不過，原定今天要參加同事甲的婚宴，輝某卻忘了約了朋友，結果唯有推掉婚宴。

然而，在今晨醒過來，輝某心情不太好，結果決定留在家中發呆，哪裹也不去，奇怪吧？

希望明天不會這樣吧！

Happy Halloween

:)

令人費解的國內產品

國內的英語經來為大家帶來不少歡樂，然而，一件在我身邊年多的產品，原來我一直没有留意它的英文產品名稱，看罷，我真的覺得他們不會去反覆查証。唉．．．

累

南生圍

連續兩個星期去了元朗，上星期去了南生圍，今個星期去踢波，拍了些照片，没甚麼特別，可以不看。

去年今日

一年前嘅今日，我喺 Melbourne 行嚟行去，上年發生嘅野，好似喺早兩個月咁，估唔到咁快就一年。
下年嘅今日，我又會唔會記得我自己做過咩呢？

上年影嘅一張唔知咩相

自家制 take 2

我諗今次大家都知係咩
:)

哎吔

呢幾日都諗過打啲野
到最尾都喺得個吉
哎吔~

送一首呢排我好鐘意嘅歌比大家

離開地球表面

幾個人離開地球表面了，全國也很開心似的。

可能我太冷感，没看直播。老實說，進不進入太空我不太在意，我倒希望再没有腎虧牛奶，假這個假哪個，就足夠了。

不過，做假，其實不是我們獨家的，你可知道，當年美利堅合眾國到月球，有很多人指出是造假的可疑嗎？

自家制

學懂了自己制果醬，其實不難，只要生果，糖，煲及爐
起咗果肉，加糖煲就係，煲幾耐？睇下你想有幾杰，杰啲就煲耐啲。

大家又估吓呢樣喺咩果醬？

你邊日生日?

新公司康樂組組長會收集同事生日日期，為每月之星舉辦生日會，填好了，發覺公司有兩位同事與我同日生日，甚是驚讚。小小四十人左右的公司，有三人同一日生日，在之前工作的公司，也有一人跟我同日生日。依這數據，每十個在 IT 界工作的人，就會有一個跟我同一日生！（＜好明顯係無可能．．．）

無題

想打野，但係打唔出，唔喺無野諗，但係一坐喺電腦前面就打唔出。
無奈感覺就像急 _ ，但入到 _ _ ，坐好耐都 _ _ _。

搵日得閒去影吓相，坐吓巴士先！

忙𥚃...

新工作也真夠忙，不過我也偷了兩天，到珠海逛逛，没有心情打太多字，有空的話看看照片

新工日誌

呢份新工返咗四日，都幾搞笑，第一日一返去，十點經已同同事一齊去見客，不過我都係參與性質多。而第一日下午同第二都被安排去一個 training。原本第三日（星期五都喺要上 product training）不過因為鸚鵡嚟咗，所以 training 取消咗。除咗工作上被安排發生既事，公司發生既事都幾特別，特別在喺我第一日返工就參加咗兩個同事既散水午餐，不過佢地喺唔同部門既同事，我個部本流失率都好似唔高，到咗今日，就參加咗一個同事既生日午餐派對，嘩真係返工咁耐食咁多餐都有意義，認真利害。

聽日

上一個 post 話聽日再講，點知一過就過咗咁多日
=_=

呢個 post 我想講，我嘅暑假經已完咗，而家返緊工啦

睇咗，幾套戲

失業加打風的日字，最好就係睇戲。呢排都睇咗幾套戲，上緊嘅有 WALL．E（太空奇兵威 E），租碟睇嘅有長江七號、Fast Food Nation（快餐帝國）、導火線同 The Bucket List（玩轉身前事），不過最尾嗰套喺未睇。

先講 WALL．E，由於我上年等套戲等到今年，所以開畫無耐就走去睇，好唔好睇？我只可以講無我想像中咁好，不過整體嚟講都好睇，有咩咁好？留返比大家自己發掘。

咁仲有咩好講呢？等我講吓啲花邊嘢，唔知大家知唔知，拍套戲間動畫公司 Pixar，佢嘅創辦人之一就係蘋果電腦嘅創辦人，Steve Jobs。所以好多時喺 Pixar 嘅電視都會搵到 Apple 嘢。不過今次似乎特別多，例如 WALL．E 差完電開動嗰個聲音，其實喺 Mac 機開機嘅聲。又例如 WALL．E 睇電視會用 iPod。仲有一點大家可能唔知，就係另一個機械人主角 EVE，佢最初個設計喺搵咗設計 iPod 個設計師去做的，大家覺唔覺得佢似一部會飛嘅 iPod 呢？



長江七號
呢套可以算喺第一套我無笑嘅周生戲。成套都無笑過，但係我唔係話唔好睇，不過大約估到啲笑位。其實我覺得套戲似劇情片多過似笑片。最失望嘅喺聽粵語聽唔到徐嬌嘅聲，國語聽唔到周生嘅聲。搞到我成日轉嚟轉去。十分無奈。其實我覺得套戲可以長返少少，講多少少野。不過諗唔到點拍就無謂拖啦喺咪？

其餘嘅聽日再講。

IQ 題

無看 29/7 TVB 新聞的人，能估到以下是甚麼食物嗎？

1) 被分類的麵包

2) 在醬油的餃子

3) 混亂油煎的混雜的菜

這些食出現在奧運新聞中心餐廳內的食物名稱

WTF ? 或者應該用 TMD！他們的腦袋是不是放到餸菜內？

答案在片內，大家自己看看吧。

多年後的一個暑假

輝某脫離學生生活多年，暑假彷彿成為一個歷史，但因為失業的原故，在七月中起便進入無業狀態，可算是享受了多年後的另一個暑假是好運、巧合還是倒霉？不過在間日走去看看戲，逛逛街，享受較少人的香港，的確不錯。

而一星期前的今天，小弟則入了一個 Camp，此 Camp 十分特別，燒柴吃素，飲井水瞓碼頭（其實瞓邊都係一樣，都係瞓 tent）。

三天的生活大約如此：
拾柴，擔水，煮飯，吃飯，没事幹和睡覺。

由於設備簡單，大家對用柴火煮食技巧亦十分一般，所以煲水也用了約一個小時，連這個哪個，一餐飯可能用上兩三個小時準備，而弄的也不是甚麼複習菜式，只是一些沙拉，白灼蔬菜、麵條等。没事做的時候就自己找事做，可以在島內四圍走走，睡覺，到碼頭玩，看書，總之你想做甚麼就做甚麼。唯一没有的就是電腦遊戲機電視。

如此生活的確簡單，可惜小弟仍能使用 3G 上網和數碼相機。不然生活更加野人。

回想上星期，時間過得真的快，其實很久也没有這樣休閒過，即使是旅行，也因為不想浪費時間而把行程排得滿滿，不會如此空閒吧？過著這樣閒的生活，其實也很快樂，很有意思。没事做就大家一齊談談笑笑，望望天望望地也不錯。其實，我們生活其實需要甚麼呢？快樂，或許真的很簡單。

雀巢，求求妳快點撤資吧！

雀巢運輸部員工罷工，要求加薪，資方更派出雀巢大中華區總裁 Hans Peter 專程從北京飛到香港，主持談判。可惜資方人員的腦袋不知去了哪裡，說員工不讓步便會以撤資或外判工作來作了結。

如果我是員工代表，我會向資方表達全體員工支持公司撤資的意願（然後自行成立乜記或乜巢去填補市場空缺），畢竟香港人也要吃的。走了一個大財團，或許很多中小企受惠，是好或是壞呢？

再談 Batman

一套電影當然没有完美的，無聊的輝某，在看完這套 Batman 後，倒有一些問題。

1) 為何小丑打不死？
在很多幕，小丑無論如何也不會死的，特別是飛車及爆炸場面後，連一點受傷情況也没有，連 Batman 也會受傷，小丑起碼衣服也要破一些吧？

2) 為何黑幫大佬没有槍在身？
大部份情況下，他們都像嘍囉一樣，起碼也要做一點有大佬風範的東東吧？

3) 為何雙面人爛面後講野没有漏風？
雙面人爛面後，一邊面的肌肉損毀嚴重，但他依然咬字清晰。小弟經過反覆測試，打開一邊口，完全没法像他一樣咬字清晰，看來要跟他學習一吓。

出海遊記

二零零八年七月十九日，輝某跟友人一行八人，跟隨香港海豚保育學會進行船上調查海豚去。但不太懂得進行調查的我，還是當觀豚遊好了。

由於早上九點由東涌出發，大伙兒便約了八時十五分到東涌集合，一起吃點東西並準備午餐。兜兜轉轉，總於出發往碼頭。在陽光明美的早上，三十多度的高溫下，由東涌港鐵站步行到東涌碼頭真是一件賞心樂事，大家有空一定要試試啊！ :D

到達碼頭，可惜船家經己到達，不然一行廿多人就可以在空曠的碼頭，透過汗水、汗味與太陽伯伯進行更深層次的交流了。

上船後，便出發往 XX 開次是次活動（忘了 XX 是哪兒，不過不要緊吧！），主辦單位負責人亦向我們介紹有關白海豚及江豚的資料，由於資料太詳細，我不打算在這向大家介紹，簡單來說，遠看的話，白海豚似白頭浪，江豚似爛車呔。

到達目的地，大伙兒齊齊搵似白頭浪的白海豚，幸運的我們很快就見到不少白海豚從白頭浪中遊出來，啪啪啪啪，攝影機的快門聲此起彼落，不知大家拍到的是白頭浪還是白海豚呢？多得科技進步，數碼攝影不用照顧底片數目，所以都比我影到少少。

接著大伙兒就離開地方一，到地方二再找找白頭浪和爛車呔去（其實應該没有爛車呔，因季節不合）。

這個時候，恐佈的事開始了，海上真的很多白頭浪，拋呀拋呀，把大家都從船頂拋到船的下層，睡的睡，休息的休息，卻只有我一個人嘔吐大作，由廁所嘔到船倉，由嘔落馬桶變嘔落個袋，由企喺到嘔變坐喺到嘔，由嘔早餐變咗嘔啲青色嘅膽汁，真係攞命。當到達另一個地區觀豚時，大家基本上都無事，小朋友仲可以跑嚟跑去，唯獨輝某仍像豚一樣橫攤在長椅上。（不是海豚的豚，哪一種豚？自己想想）亦因這樣，輝某亦只跟嘔吐物及嘔吐袋一起完成餘下的旅程。幸好是次白海豚出現甚多，我亦能從小小的窗中一看牠們的背影（因為佢地多數比個背脊人睇），令我這次旅程變得完滿。

下午四時多，我總於完成觀豚之旅，我亦不用再扮豚，可以直立地離開東涌。

附上照片

Batman - The Dark Knight

第一次去 IMAX 戲院，看了這套蝙蝠俠 - 黑夜之神，對比傳統戲院，IMAX 的畫面和聲效十分出色。

先說有關香港的情節，其實不多，不過夜境的確拍得出色，從 IFC 頂跳下來的一幕更令人難忘，而陳生的演出，如果不是傳媒事先張揚他在擔當哪個角式，做了些甚麼，我應該不能察覺他的附在。

故事方面，小丑這個角色可以說是“由頭帶到尾”，基本上這套戲命名為 Jocker - The Crazy Criminal 亦無不妥。要投訴的話，只能說為何 Gotham City 的警察和罪犯都没用，一個小丑就可以將他們罷平，而且哪些罪犯多數打不還手，駡不還口，實在令人廢解。放低這些無聊執著，其實整體也很好，兩個多小時亦不覺有悶場。電影細節不作多講，還是留給大家去感受一吓。

Tim Burton 的哪兩套 Batman，我覺得可算是將觀眾帶入 Batman 的漫畫世界，而Christopher Nolan 的這兩套 Batman，我側覺得是把 Batman 從漫畫世界拉出現實，感覺更有血有肉。有機會的話倒想把多套 Batman 電影從溫一次，現在失業的我，應有點本錢吧？

最後，向大家推介一套由以上没有提及，大家亦可能忘了的哪個雙面人 (Harvey Dent）- Aaron Eckhart 主演的一套戲：Thank you for smoking，完全無關，但我覺得值得一看。

iPhone 被解

詳情請睇呢到：
http://hk.news.yahoo.com/article/080716/3/77qh.html

我想講嘅喺呢段：
不過破解iPhone 3G的費用也毫不便宜。DesbloqueioBr公司破解iPhone 3G的收費介乎250美元 到375美元（約1949至2923港元）。另外，這個昂貴的破解方法還是有一堆未解決的問題，DesbloqueioBr的合伙人麥克馬西（Breno Macmasi）承認，破解後的手機通話品質並不穩定，而蘋果亦能藉軟體升級的方法在以後補回這些漏洞。但他估計，總會有些辦法可以「破解」鎖機。他說﹕「蘋果犯了些重大錯誤，我們當然可以再次破解。這將會是場『貓捉老鼠』的遊戲。

Crack 得咁辛苦，呢班友真係好“功力”相對第一代 iPhone 嘅 cracker，呢班友都係想出名多。
再者，不如拎啲香港 iPhone 去外國賣好過，反正都無 lock 機，駛乜 crack 呢。

爵士牛

大家有留意電視廣告的話，某大快餐店集團現在正推廣“紐西蘭爵士牛扒”，廣告中提及“優良血統，源於紐西蘭大草原”。

廣闊的草原，加上幾條吃草的牛，很正常吧？

事實是，紐西蘭本是没有牛的！！！
紐西蘭土生的哺乳類動物，只有海狗 (Seal) 跟蝙蝠。羊呀、牛呀、廘呀、兔呀等等都是歐洲人當年“進入”紐西蘭時帶入的。

為甚麼？聞說當年歐洲人覺得，這麼大的地方，不放幾條羊呀、牛呀飼養一下就浪費了。放幾條廘，幾隻兔閒時打打獵也不錯。所以“紐西蘭爵士牛”，“優良血統”應是源於歐洲。

除此之外，由於物種不是土生的，經多年繁殖其實對紐西蘭構成一定壓力，例如現在打獵以不再流行，所以很多廘跟兔都在紐西蘭的廣闊天地快樂地成長，可是没有了天生的掠食者，現在紐西蘭要面對太多廘跟兔子的問題。有甚麼問題？就是太多植物給牠們吃掉，破壞了土地。現在甚至有人提出要放毒毒死兔子呢。

另一角度看，人又會不會太多呢？

遇現劉德華

路經時代廣場，遇現劉德華，可能是閒日吧？人倒不多。他真人，的確很劉華。


他在哪兒？自己找找吧！

困

星期天，下起雨來，原定的活動都得推遲，原本踢波的中午變成外出淋雨的中午，好好的一天就這樣没有了。
大雨，把我留在家𥚃，亦把大廈困住了。

Euro08 & 激流之旅

2008 歐國杯，由於屋企無“現在”，所以成個歐國杯都無咩點睇，都喺睇吓精華同新聞。不過對於我呢個唔太熱衷睇波嘅人其實無咩關喺，其實睇唔睇呢場決賽，我都諗咗好耐，最後都喺決定唔搵周生住，睇吓呢場“二奶皇”可唔可以打破佢嘅命運。

可惜除咗開波頭十五分鐘，我覺得全場德國隊都係喺發夢之吓比人玩，相信佢呢場都算喺佢地打得最差嘅一場。“二奶皇”亦無拆自己招牌，爆頭之餘仲歷史性成為“四亞皇”，其實睇見佢都傷心。不過我當然唔會帶住呢份傷心去訓，因為訓三個鐘左右又要起身返工。

不過唔知個天喺唔喺想玩我，定喺佢因為買重德國而傷心。

今朝返工，超大雨，行去地鐵站，行咗都無十分一，經已成褲濕晒，平時行開嗰條平靜嘅小路，今日變得異常刺激，有水池，有激流，仲有個小瀑布 tim ~，基本上落到地鐵站，成個下半身都滴緊水，我都唔知自己喺水上飄緊定喺路行緊囉。當濕晒嘅褲滴水落濕晒嘅鞋，原來喺無咩感覺。一路行一路滴，一路滴一邊睇都市日報，雖然返到公司嗰陣都差唔多滴完，可惜對𧙕仲喺扭得出水，去廁所扭完水，抺完都仲喺咁濕，結果而家對𧙕“條條 fing”咁放咗喺我枱吓面，唔知放工前佢會唔會乾呢？

高清廣播 - 續

之前講過我個機頂盒可以錄影，本應是一大喜訊，但其實帶出了一啲問題。

1) 如何播放
2) 如何在其它設備播放
3) 如何保存

1) 如何播放
當然可以用返個機頂盒，喺電視播返。

2) 如何在其它設備播放
例如喺電腦睇，手機睇。如果用 Windows 的話都叫做可以播到，但喺 Mac OSX 就未播得標清節目播唔到高清節目，點解？因為標清節目喺用 MPEG2 TS (Transport Stream) 做 encoding，而高清節目就喺用 H.264 TS，好可惜搵咗好耐都未搵到點喺 Mac OSX 播 H.264 TS 嘅放法。（其實喺有，不過麻煩咗啲，所以我都係算）
所以而家基本上我只可以喺電視睇返。

3) 如何保存
高清節目 file size 其實好大，data rate 大約講緊 7.5 Mbits / second。一個鐘即喺要 3 GB 左右。如做長期保存，最好都喺解決咗問題 2，然後 convert 返細少少再搵地方 save。

十年前嘅李心潔

最近有點想看“深海尋人”，似乎拍得幾靚但係故事唔喺咁吸引我。
想起十年前李心潔出道，是“少女標本”，十年後，歌不唱了，像變了驚嚇片的代言人，未決定睇唔睇戲之前不如睇吓佢十年前個 MV。

高清廣播

香港實施咗數碼廣播，一向唔多睇電線嘅我，竟然喺屋企裝咗個高清機頂盒。
香港高清廣播用咗國家制式 DMB-T/H，同其它地方唔同，所以大家市面搵到嘅高清機頂盒，大部份都喺土炮貨式，所以小弟買之前都要小心做個 research 先敢買。搵過有以下幾隻：
Eight 838, 2008, HD1
http://www.eightgroup.com/dmb-th_product.html
Olevia ZMT620TA
Picazzo M218
http://www.picazzo.hk/
Magic TV MTV5000
http://www.magictv.com.hk/zh-b5/products.html
開頭諗住買 Olevia ，因為全線百老匯都賣緊佢，諗住衰極有限，點知再搵吓 comment，發覺多人話佢過熱，咁就出事，所以都喺放棄咗佢。次選喺 Picazzo M218，佢最吸引我喺可以將錄完嘅檔案抄去網絡上嘅另一部機，好可惜，呢個功能喺未 ready，加上佢 support 好似慢慢地，所以又比我放棄咗。

得返 Magic TV 同 Eight 可以選擇，評語大約喺 Magic TV 睇電視靚啲， Eight 錄影功能強啲，由於 Eight 睇電視質素其實唔差，所以最尾就決定買 Eight。不過佢有三個 model，上網睇 spec 又完全一樣（除咗個樣，為免買錯舊貨，結果我打咗去代理問，哈，原來三隻一樣，只係個樣唔同。

結果就買咗隻靚仔啲嘅 Eight 2008

而家基本上睇同錄都無咩問睇，只喺放喺電腦睇問題大啲，有咩問題，遲啲再講。

好句

好野唔怕同大家分享！不過唔喺我影的。

我搵到份工

嘩我搵到份工係一個月 Contract，即喺未來一個月都喺香港啦~

忍者輝?

Just for fun!

五月的最後一天

五月的最後一天，到了 AsiaExpo 看五月天的演唱會，連續三年的五月都有看他們的演唱會。由於上年的覺得不太好看，所以今年也没大希望，只是剛好回來了，就去看看吧。上 Yahoo bid 了便宜的票，位置也不錯啊，正面面向台，没有記錯，應是近五年第一次這樣正面看演唱會。

今年雖然編排比較標準，但氣氛比上一年好，結果“安歌”了兩次，大約十二點才完結。



Yeah! 五月天!

舊聞重提 - 2006 年 聯合國報告: 牲畜比汽車產生更多溫室氣體

原文請按此

因為某原因，同朋友傾開食肉問題，佢話如果全世界嘅人都食素，咁啲牛咪無草食囉？我提到，其實一隻牛要食到可以比人食，佢諗咗一陣，覺得好似係喎，跟住我就問佢，其實溫室氣體，牛都生產好多。結果就搵返呢個年幾前嘅報告。

引報告如下：
“2006年11月29日聯合國糧食及農業組織（FAO）今天公佈報告說，牲畜產生的溫室氣體比汽車還要多，各國必須採取措施遏止這種趨勢。

報告說，如果用二氧化碳的釋放量衡量，牲畜比汽車排放多18%。 如果用一氧化二氮（nitrous oxide）衡量，則人類活動（包括飼養牲畜）釋放的一氧化二氮65%來自牲畜，而一氧化二氮的“全球變暖潛勢”（Global Warming Potential，簡稱：GWP）是二氧化碳的296倍。

此外，人類活動產生的甲烷（methane，俗稱“沼氣”），37%來自反芻牲畜的消化道。 而甲烷的溫室效應是二氧化碳的23倍。 人類活動產生的氨（ammonia），有64%來自牲畜。 氨是導致酸雨的重要原因之一。 ”

嗯，唔知睇完呢個報告，榨車嘅朋友會唔會覺得榨車都唔係咁唔環保呢？
又唔知大家會唔會考慮吓食少啲肉呢？

再到濕地公園

回到香港，没事做也没工做，母親大人想到濕地公園，便去了，下附圖片秀

天災。人禍

汶川地震，死了八萬多人，傷了幾十萬人，小弟估計受影响的人可能有百多萬。是一場很嚴重的天災。

近日，不少新聞報導，學校倒塌的原因不只是因為地震破壞力強大，而是因為學校工程出問題，塌下的全都是一批“豆腐渣”。其實在上星期已有評論員說過工程問題（按我看看），可惜還給人說他冷血，到現在連理大的副院長也到災區說學校不及格，我想駡人的聲想想問題的真正原因吧？

我想大部份港人對中國制品也有介心，有毒大米，假這個，假哪個，連國內居民也要到港買奶粉，現在有豆腐渣工程，最害中國人的，似乎不是天災，而是中國人。我相信豆腐渣工程不只在四川出現，國內其它地方應還有得多，我們能在另一次天災前把它們都修好嗎？

到多少年後，中國人才能醒覺，不要再一次把自己的國家再斷在自己人的手上？

Some more photos

五月十二

五月六日，簡接地得知爺爺入院的消息，致電哥哥，確認了解後。得知情況並不樂觀，心中打起最壞的打算，並有回港的念頭。接下來數天，收到的消息很怪，有最壞的有好一點的。甚樣也好，我已著手準備回港，多得小方和 Den 哥幫助，我留下的大可交給他們。五月十二日，收到了佛祖招喚爺爺的消息，嗯，找了兄長大人訂好機票，我要回港了。

另一種調子

回到 Auckland，與上次旅程開始到今天要回港，懷著的是另一種心情。並不是不想回港，只是跟原定的計劃有所出入。

在 Domestic Terminal 下機，放棄租車的計劃，坐著巴士，經過熟悉的道路，往同一所 Hostel 出發。

轉眼間，已到了市中心，下了車，再次走過哪斜斜的 Liverpool Street 到 Turner Street，看到了 YHA，從上次的興奮期待到今天的沉默，感覺不同了。

Check-in，放好行李，跑到 Queen Street 上看看，街是没變，但店子好像多了，原因為何呢？看看錶，五時多，走到 Sky City Cinema 的門前，突然想起友人提到好看的 Iron Man，買了票，吃過 Burger King 的 Double Cheese Burger Combo，看了戲，又回到 Queen Street。没再多走幾回，就返 Hostel 去。洗過澡，上過網，想打 Blog 又打不出， Upload 了相便算。回到房間，面對著我在 NZ 的最後一晚，整夜靜靜的我在吵鬧的星期六晚，没趣地倒在糊亂的床上睡去了。

Some Photos in Motueka

BTW, did u notice something? My friend?

Apologize

我與蘋果

大蘋果

小蘋果

I am fine and 奇異之工作

無 post 一排，我而家點呢？我嘅南島遊經已完結，不過有啲出名地方都無去，原因為無去過，仲會有幻想 :)

嚟緊呢幾個月我應該以打工為主，賺錢為之後嘅旅程做準備。不過有多錢的話，希望我可以再去完一啲貴嘅玩意。唔知點解，去到呢一刻，我經已無咩想玩，連 Bungy / Skydive 等未玩嘅活動都好似無咩興趣。唔知會唔會因為天氣太凍呢？

我而家又點？
我而家喺一間包裝廠做包裝奇異果。我地呢啲 WHV 人主要會負責三種工種：
選果 (選返啲靚同唔靚嘅果出嚟）
包果（選好之後當然要包好運走）
搬果（包好咁要搬上卡板）

我最初喺做包果的，但喺做咗半日就去咗做搬果 lu~ 我計過平均每日會搬 1.5 - 2 噸奇異果。我估都喺一個唔錯嘅運動嚟嘅~ BTW 我嚟咗呢半年，原來好似輕咗 8 Kg，哈哈，不過可能喺因為之前食得太多。

講住咁多先！

南島遊日記 - Part 1

2008年4月14，晴後雨

今天是南島遊的第一天，早上收到小麗的通知，她決定不參與南島遊了，原因不詳。所以行程只得我，小方我 Den 哥。

和小方到郵局領取包裹後，回去收拾便出發。（領取包裹，表面十分簡單，但我們去了三間郵局，結果還是自己打電話去問包裹在哪，才能取回）

收拾行李差不多到下午兩點才出發，比原定時間遲了兩個小時。由南島的 6 號公路轉 67 號公路，再轉回 6 號公路，就可直達今天的目的地 - Westport。

由 Blenheim 開車到 Westport，大約要三個半小時。最初的路程還算好走，直路很多，但過了 Nelson Lake 後，開始多山路，而且下很大雨，幸好小弟也於下午五時多到達。到 Hostel Check In 後，和 Den 哥聯繫上，他和他的朋友到了 Cape Flourwind，由於我和小方也没有事做，所以也去看看。

可惜的是我們去的時後已差不多日落，所以到達時基本上已很暗，怕照也不好看，但我們見到一隻類似奇異鳥的東東，也算有點收獲。

等待 Den 哥回來，一起回到 Hostel 晚飯洗澡，談天商量行程後，南島遊的第一天就此完結。

2008年4月15，雨後晴

昨晚決定今早一早到 iSite 問火車情況，所以大家七點多就起床，吃早飯和預備出門。Den 哥的早餐很特別，是 Cheese Cake，是我們從 Blenheim 帶來的 Home Brand (即喺香港超值牌）Cheese Cake，（這個 Cheese Cake 的來歷，有機會再分享分享。）

到了 iSite，買了火車票，就回 Hostel 收拾出發。基本上是由 Westport 直去 Greymouth 去坐火車到 Arthurs's Pass。不過途經一個叫 Punakiki 的地方，會看看有名的 Pan Cake Rock （其實即喺東泙洲風化石）看過 Pan Cake Rock（很大的風化石群），就去 Greymouth了。火車於一時四十五分出發，我們約一時多到達，本以為有很多時間慢慢預備，但一直在火車站附近也找不到停車場，走到 Check-in counter 問問，原來他們有提供“代客泊車”，我想這就是没有車位的原因。急趕地買了午餐（牡丹樓 Drive Thur，即喺搾架車去部機到講要咩就有人收錢同比野你），泊好車就邊食邊等火車。但火車誤點了十多分鐘，真是媽媽的。不過總好過無到吧？

之後火車之旅其實和大家預計的差不多，當然不會有 Mr Bean 在你附近，有的只是四周的還境。真的很美嗎？老實說不是。都是哪樣的山山水水吧？不過倒有段小插曲，就是火車到了一個叫 Otira 的站，車長發現訊號系統出現故障，不能確定隧道內有没有其它列車，所以要等待系統修好以後才能開車，誰知一等就等了兩個小時。為免 hostel 關門，所以我就去控制室借電話打給 hostel。入到控制室，很多人在打電話，排頭位的是要去轉機的乘客，看來需要更改班機時間了。由於前面還有很多人，我就問問工作人員到我的目的地 Arthur's Pass 還要多少時間，工作人員知道我要去 Arthurs's Pass，就告訴我有另一位乘客要到 Arthur's Pass，他們正準備車車哪位乘客去，問我會否一起，這麼好的東西當然不會放過，到坐位取回行李後就乘車往 Arthur's Pass 出發了。由 Otira 到 Arthur's Pass 的一段路，要穿過不少山谷，感覺很特別，可算是我走過最特別的一段路，這次意外可算是來得不錯。

2008年4月16，雨後晴

於 Arthur's Pass 的美麗 hostel 過了一晚，一早吃過早點就到附近的 national park 走走，由於時間不多，所以到需個多小時的 Devils Punchbowl Falls 走走。風景大約也是哪些吧，山山水水瀑布橋橋。短行拍照後，就乘火車離開，回程不像去程，没有停下來給大家拍照，也没有故障，很順利就回到 Greymouth。到了 Greymouth 跟 Den 哥會合，在 CIty Center 行了一會，於 KFC 吃了午餐及到超市買點東東，就開車出發往我們的下一個目的地 - Fox Glacier 了。不過由於 Fox Glacier 的 hostel 滿了，我們到了附近一個地方落腳，一個亦是以冰川聞名的地方 - Franz Josef。

冰川簡介
Franz Josef 和 Fox 都是 NZ 聞名的冰川，以規模而論，他們分別是 NZ 最大三個之二，而且駕車就可到達，所以十分受旅客歡迎。冰川全年結冰，在中午時溫度由 15 - 11 度不等，所以其實不是很冷，夏天更可以穿 T-Shirt 遊冰川。在NZ 的冰川附近，你會發現雨林，是世上獨特的。

2008年4月17，晴
早上吃過早點，我們就由 Franz Josef 出發到 Fox。到了 Fox，走到 tour 的店子報到後，當然第一件事就是附錢，全日 (7 小時) 的團費是 NZD 125，真夠便宜。團包括了全日七少時的行程和所需裝備，換好裝備就往目的地 - Fox Glacier 出發。

到達目的地，我們就向冰川進發（廢話），途中領隊向我們介紹了冰川的資料。行了約三十多分鐘，就開始到達有冰的地方，穿起在冰上走路用的工具（唔記得咩名），大隊就開始真正的冰川之行。整個冰川行約四個小時，中間領隊會帶大家去一些拍照點，例如冰洞，冰谷等，要上難行的地方，他亦會先為大家開路（破冰）。行程完結後，我們就離開 Fox 再向南出發。

冰川遊之感
到達冰川當然有一種新的感覺，不過可能由於 NZ 的冰川附近會有雨林，我們到達時亦没有下雪，所以没有冰天雪地的感覺。而步入冰川，其實也不太冷，而且不能慢慢行慢慢拍照，所以拍得不太好及有點急趕的感覺（可能我慢？其實行得不太快）。整體而言，算是難忘之行，但美中不足是時間短了點和不能行到冰川頂吧！

2008年4月18，晴

離開了 Fox，我們下一個目的地是 Wanaka 和 Queenstown。在 Wanaka 吃過午飯，我們去了一個叫 Puzzling World 的地方（主題公園？）。Puzzling World 聲稱是世上少有以 Puzzle ，迷宮和錯覺為主題的公園。公園內主要分為三部份 - 迷宮、幻覺區和 Puzzle world。迷宮當然是一個大迷宮，幻覺區是以視覺效果做成幻覺的區，而 Puzzle World 就是一只 Cafe，內有很多不同的 Puzzle 給大家破解。我們三個區都去了，三個區其實都值得一去，不過大家去的時後最好預留多點時間，因為其實每個地方也可以花很多時間。

離開 Puzzling World，我們就離開 Wanaka 往 Queenstown 出發。

Arrowtown and Dunedin

又有相~

一首我喜歡的 NZ Band 歌

喺呢邊無嘢做會聽收音機，聽到呢首歌，原來喺呢邊嘅樂隊，叫 Opshop，而我鐘意首歌叫 One Day，大家有與趣可以聽吓~

More Photos, and Video

Photos of South Island trip, part 2


黑夜榨車

Photos of South Island trip, part 1

Too bad that, no captions again

Photos.

Sorry that Internet is too slow for captions this time.


P.S. I will start traveling South Island today, best wishes for me.

Blenheim 簡介

我留咗喺 Blenheim 都大大話話個幾月，呢個其實喺一個咩城市呢？

節錄自 Wikitravel.org

Blenheim is the largest town in the Marlborough wine growing region in the northeast of the South Island of New Zealand. Blenheim is always in the hunt for the title of New Zealand's sunniest town. It has a population of around 27,000. It is situated on the Taylor and Opawa rivers.

"Largest town in the Marlborough wine growing region" 所以呢到其實除左酒，真喺無咩，嚟嘅人除咗去酒莊，就喺去葡萄園打工，附近真喺無咩玩。

呢到有咁多葡萄園，主要喺佢氣候得宜，都無咩特別，哈。大家有機會嚟 NZ，又鐘意試吓葡萄酒，記住嚟呢個城行吓。

回應一些 comment
mm
唔駛買相機啦唔該，叫咗屋企人寄部舊相機比我用住先~　不過你中咗六合彩我又唔介意~ haha

至於我同事間屋，等我講吓有咩：
屋一間
農場數片
行山徑
兒童遊樂場
河一條（其實條河喺唔喺佢嘅我真喺唔知，總之無嘢做可以行去河 (1 mins）游水。
樹大量
草大量
馬兩條
貓一只
仲可能有好多嘢我唔知，因為實在太大
haha

南島遊
唔經唔覺，又打左個幾月工，呢個星期日就會開始我嘅南島遊，北島遊之後，開始對成個 trip 無咩 expectation，不過咁都好，可能會再有驚喜，大家祝我一路順風啦！

蝦仔~

又有 Video 比大家睇，特別鳴謝小方借出玉手一只

More Photos!!

Not so much this time.

Finally, some photos uploaded

Enjoy!

浮潛初體驗

先前提過會去 Kaikoura 玩，咁玩咩呢？其實喺去玩浮潛。Kaikoura 喺南島東岸，面向太平洋嘅一個小鎮，主要喺做海產業同旅遊業（一年都有成百萬人去㗎）。喺毛利文（咩喺毛利文？即喺紐西蘭原居民嘅語言）Kaikoura 意思喺 Kai = 食， Koura = Crayfish (Crayfish 唔 Aust 同 NZ 唔喺惷魚，喺 Rock Lobster，無錯即喺龍蝦啦！）所以好明顯 Kaikoura 喺食龍蝦嘅一個好地方！！（不過由於 Crayfish 多數要嚟出口，所以呢邊貴錢都好貴，一隻手咁大（拉長計）都要 NZD 20 以上。

講咗咁耐，都未講我咁大個仔第一次浮潛喺點。第一次當然喺跟團參加，由於而家唔喺旺季，所以我地三個香港人喺包團嘅。準時到達 Kaikoura，搵到今次領隊加教練之後，我地就開始換裝備落水。換好裝備，簡介過點用同點捉海產之後，我地就出發去比較淺水嘅地方練習，最初都有啲擔心，但喺試咗一陣之後，原來浮潛都唔喺咁難。教練見我地都快上手，跟住就同我地出去深水少少嘅地方。點知轉個頭，佢就喺水底拎左隻海膽上嚟，度過大細無問題，就放入 catching bag。捉完海膽，轉頭佢又捉左隻龍蝦上嚟，真喺快手。再游多一陣去第二到，原本我打算去深水少少搵吓有冇嘢，不過呢個時候覺得有啲唔舒服，結果要坐埋一邊抖，真喺唔開心。抖左一陣，浮潛時間都差唔多完，教練就同我地一齊走。是日收穫如下：
海膽 x 1
龍蝦 x 1
鮑魚 x 3
Butterfish x 2

上岸後教練用極手嘅手法劏同洗晒所有魚穫，我地仲即食海膽~ 可能啲海水咸，我覺得呢味道咸左少少，不過即捉即食海膽真喺幾特別，而其它魚穫，亦比我地 BBQ 左落肚。Crayfish 食落味道好龍蝦，但滑啲，而 Butterfish 就喺魚一件，生同熟食都唔太突出，好似好貴嘅鮑魚，就比呀教練整得唔喺太好味啦，咸咗少少，哈哈。成個 trip 仲有少少鮑魚肉同鮑魚殼可以拎走，我呢個浮潛初體驗真喺又食又拎。

不過成個 trip 仲有一樣嘢令我唔多高興，就喺部防水相機入咗埋水，無晒反應，而家入左深切治療部，醫生話佢都應該喺咁先，唉！個 trip 無咗部細相機真喺幾唔方便，如果有朋友仔仲咗六合彩就送返部比我啦。

Day Light Saving

平生過第一次 Daylight Saving，NZ 的時間由 UTC +13 變左 UTC+12，即喺由快香港五個鐘變咗快四個鐘，感覺都幾... 無乜特別，哈哈。
咩喺 Daylight Saving?　大家可以去睇吓：
http://en.wikipedia.org/wiki/Time_in_New_Zealand

今日會去 Kaikoura 玩，希望玩得開心啦。

我手車

* Video 改返setting, 大家睇到架啦~
嚟咗咁耐，都大大話話搾咗四五個月車，我榨成點呢？講多無謂，睇片最實際。不過其實條片都拍咗好幾個月，哈哈

A tired day

由 0700 工作到 1830，加上是戶外工作，真的不容易。好彩工作唔算太辛苦，唔喺都幾攞命，不過聽日後日都唔駛返工，有時間 upload 返啲新相，打返啲 caption，做返啲未做嘅嘢，相信又會喺另一個 tired day，哈！

2 weeks

兩個星期無 update, 其實我搬咗屋，仲有 free Internet，點解 update 得仲少呢？因為呢排返工好忙好攰，真喺無咩時間可以慢慢打，不過我諗我從今日起會花多少少時間打 blog，因為唔經唔覺原來離開咗香港差唔多半年啦！都要 update 返多少少嘢比大家知先得。不過呢個 post 喺咁先，大家保重啦！

等待收成時

唔經唔覺都去左 Blenheim 成三個星期，做開嗰個 Kiwi contractor 終於要停工，等待葡萄成熟時，大家就開始每年葡萄園工作最後一環 - 收成。而家我又變返就業不足輝，好彩呢區有好多唔同嘅 contractor 同葡萄園，可以搵吓唔同工做吓。不過試過另一啲 contractor 認真麻麻，安排亂之餘又成日要人等，真喺唔要得，呢個星期二又轉 contractor，希望呢個好啲。大家得閒就唱吓葡萄成熟時，等我快啲有工開啦~

Best wishes for Hong Kong

流感又來了,身在海外的我,願事情快點完結.

掉葡萄

冰冷早上，走進無人葡萄園，
冷酷剪刀，剪去無數未熟葡萄之美夢，
無情相手，拔走不少初生葡萄的笑容，
剪斷、壓破、皮開肉綻，血液自指間滲出飛射，
無情果園工，續園內殺戮，誓清除每一個污點。
倒地、輾碎、血肉分離，屍體被棄在雜草之間，
驚醒紅葡萄，在樹遠看著，恐甜美靈魂被沾污。
不要灰心啊，被棄掉的葡萄，你們的兄弟，將重覆你們的命運，他們甜美的靈魂，將被榨取、侵食、腐敗，成為市場上的黑比諾。

北島遊簡要一

真係好耐無 update，可能你唔想睇咁多字，但喺我都會簡單咁打打我呢排做左咩。

21/01/2008
呢個喺我離開 Auckland 之前嘅一個星期一，同幾個同事一齊請假，諗住約出去玩，行程如下：
中午：飲茶（有冇搞錯！？去酒樓返工仲去飲茶！？）
下午茶時段：唱 K
晚上：食飯
晚飯後：去 Cafe

全日嘅行程都好香港，好城市，不過真喺飲茶搞笑左啲，日日返酒樓，連放假都要去。唱 K 方面，入到去好似香港啲 K 咁，而且啲歌都好新，仲有好多香港無嘅英文同台灣歌，感覺仲好啲，哈哈~唱咗大量香港無嘅五月X歌，而且嗰到炸尤魚好好味，咁大個仔無食過咁新鮮嘅炸尤魚，可惜油左少少。
晚飯就去左食日本拉麵，都喺香港好味啲，不過唔駛食中餐都好好。
而晚飯後就去咗一間由台灣人開嘅 cafe，入面啲嘢又大杯又好飲，仲有好多香港無嘅口味，可惜大家試唔到。

總結：飲飲食食同講講講嘅一日

22/01/2008
呢日理論上我應該喺 pack 好自已嘅行李，但係實際上我做左其它更花時間嘅嘢，喺咩？就喺整蘿蔔糕。點解無啦啦會整呢？話說房東知我去咗酒樓打工，跟住就講吓酒酒有咩食，講講吓佢就話啲蘿蔔糕幾好味，跟住佢問我識唔識整，咁識整嘅我無理由呃佢，跟住就約好左得閒教佢整，但係拖拖吓到我走之前一晚都未教佢，見佢咁大條蘿蔔放喺到，我又點好意思就咁走左去。所以我就行李都無點執，就喺到整蘿蔔糕啦。不過由於物資所限，今次嘅蘿蔔糕喺無咁好味，點都好，都叫教左佢，唔知佢會唔會再整呢？


23/01/2008
出發往 Whangarei
北島遊出發前最後一個工作天，今日如常返工放工，不過放工後就立即去接 Well 仔同 Den 哥佢地，預備我地嘅北島行。咁耐無見佢地，其實都無咩點變，只係佢地都黑左同頭髮長左，不過一接佢地就收到個壞消息，就喺 Well 仔跌左個水樽，不過由於時間所限，我地都出發去買 Pizza (晚餐），然後返我住嗰到。
好快咁我地食晒嘢，然後我就開始執行李，幾經辛苦，希望工程終於完成，我地成工將幾個人嘅行李同幾個人放左入一架五人車入面，當然架車仲可以開到，不過出發時間比預定遲左半個鐘，我都有啲擔心趕唔趕到去 check in hostel。我地第一站喺去一個名叫 Whangarei　嘅地方，其實我地都喺去訓一晚，跟住第二日就會往北島頂部出發。

經過二百多公里嘅車程，我地趕得到 check in time，大家 check in 完，沖完涼仲有時間相量一吓北島想點玩，利害！不過傾左一陣，我地就去覺覺。

24/01/2008
過左一晚，大家起身食完早餐就要 check out，嚟到 Whangarei，住喺 Whangarei Fall 嘅附近，當然順便去吓，嚟到呢邊去過咁多個瀑布，其實都睇到無咩特別，其實我最想都喺跳入去游水。離開 Whangarei Fall，我哋繼續向北進發，原本打算去一個比影相嘅瑩火蟲洞到參觀，但喺去到，由於過往兩年太多人用閃光燈影相，影响蟲蟲生活，所以經已唔比影，亦都因為咁，我地就離開左洞，去我地嘅中途小休站 - Kawakawa 出發。

Kawakawa 其實喺一個小鎮，出名之處喺一個廁所，連楂車途中都會見到一個寫住 World Famous Toilet 嘅牌，個廁所有幾特別，大家睇吓相就見到。嚟 Kawakawa 除左去廁所，我哋仲食左午飯，由於大家唔想花咁多錢，我地就決定食 Fish and Chips 啦，不過呢到嘅 Fish and Chips 喺出奇地好味，魚味夠之餘又唔會炸過火，薯條亦剛好，而家回想起都算喺其中最好味嘅一間。離開 Kawakawa，我地又跳返入車，向目的地 - Pahia 出發。

Pahia 算喺紐西蘭其中一個最北嘅鎮，到最北嘅旅遊勝地 90 Miles Beach， Cape Reinga 都可以喺 Pahia 出發。我地到達 Pahia 經已約下午四點，喺旅客資訊中心 (i-Site)　訂好晒第二嘅行程，我地就返 Hostel 食晚飯，開設工場預備第二日嘅午餐（芝腿治）同休息。

25/01/2008
由於我地今日嘅行程喺要上午七點四十五分前到達另一個城鎮 Kaitaia，所以我地五點幾就要起身食早餐同離開，經過個多小時車程，我地到達 Kaitaia，去到旅行團集合點等待出發。

今日報咗呢個本地團主要喺去紐西蘭最北嘅幾個地方， Cape Reinga 同 90 miles beach。

Cape Reinga 喺紐西蘭最北嘅一點，其實去都喺為咗到此一遊同影張相，所以都喺唔講咁多。

90 miles beach算喺呢邊最長嘅一個海灘，但喺其實無 90 miles 咁長，只得約 64 miles，點解叫 90 miles？喺因為當年啲大以為自己可以行 30 miles 一日，佢地由頭到尾行完呢個灘要三日，所以以為有 90 miles 咁長。
不過其實去到呢個咁大嘅灘，只能感到一片空虛、寂寞同凍。
除咗以上嘅感覺，其實去 90 miles beach 嘅另一個目的就喺玩滑沙 - 由幾層樓高嘅沙滑落嚟（當然用滑沙板），的確幾喺好玩，但係行上去沙頂的確幾喺辛苦，小弟玩左一共三次，玩完其實成身成面成口成耳總之有得入沙嘅地方都入咗沙。只於小弟玩成點？拍左精彩片段，大家密切留意！

其實去呢兩個地方之前，本地團仲帶咗我地去另一啲地方，當中最特別可算喺 NZD 兩蚊但係超大杯嘅雪糕，有幾大？都喺睇相好。

Photos of South Island

Sorry for no time to manage them in different album. Enjoy!

大家好嗎？

又喺一個 general 嘅 update，不過今次想講吓去到今日，我對成個 trip 嘅感覺。
好多人話呢到好靚好靚，但係我到而家，去過所謂靚嘅地方，都只係“哦”一聲，其實未有好強烈嘅感覺比到我，可能我去嘅地方未算最靚掛？
到呢一刻，令我感受最深都算喺 farm stay 嗰一個星期，最深刻唔喺環境，而喺農場主人。
主人喺一個德國人，點解移民嚟呢到？其實有好多因素，佢最開頭嚟到係做有機酒，但係今日佢經已變左一個心理醫生（正確名我未肯定喺咩，不過大約喺幫人解決心理上嘅問題）。喺佢身上我學到同人相處可以有更好嘅方法，令大家都開心啲，咁講講好似好空乏，其實喺因為我都未敢好肯定咁打出嚟，我好希望我打完工搵夠錢之後，再有機會去佢到再留多一至兩個星期，再喺佢身上學識點整果醬同點同人相處。
亦都因為呢個經歷，令我覺得其實好可能成個旅程，令我最大得著未必喺大好風光，而喺同唔同人相處嘅時間。身在香港嘅各位朋友，雖然你哋好多人都有 Blog，但喺我實在唔夠時間睇，唔知大家過得點呢？希望大家過得開開心心。

P.S. 我而家整理緊我北島遊嘅 blog，希望精簡化後可以盡快 upload。

Photos of Travel North Island

Got some problem to upload photos without my laptop and a restricted computer.

Very part of the photos

Vineyard work @ Blenheim

Hey all I've got a vineyard job in Blenheim, what I have to do is cutting off those green grape cannot catch the season, its not a hard job but start everyday from 7:00 am to 1530. I am work with a Kiwi contractor, the best kind of contractor here.
:)
Update later

I am still alive

Dear all, sorry that I didn't update my blog for a long time. I've been travel around the North Island of New Zealand, during the travel period, I've take some nice photos, but here its hard to upload them, I will try to show to you guys later. And now I am in South Island, at a place call Takaka.

Recently I am doing some wwoofing job - doing somework for someone to get meal and sleep, and most of them are organic farm. My wwoofing is not at a large scale organic farm. The owner is not a farmer, but he has his own garden, green house, chicken house and etc. Basically I do anything that can help him, like stacking up fire woods, painting, feeding chicken, fixing computer, fixing electronics stuff etc.

Compare to other farm, here may be quit special as the owner make fruit jam, wine and beer himself. So I am planning to come back to here later to learn how to make fruit wine. :)

This Friday I will go to a place called Blenheim to start a new job. I am not sure what I will do but probably I will work in a vineyard.

Hope I can update my blog more often.

P.S.
Happy Chinese New year for all of you.

Photos at Auckland

離開 Auckland 之前，影了工作地方附近的，及另外一些照片，謝謝欣賞

Before leaving Auckland, I've take some photos around my working place - the Chinese restaurant, the album include other photos as well. Thanks for viewing

I'm in Rotorua now

I am now in a hostel located in Rotorua, cannot use my own laptop and just let all of you know I am fine.
And I've goto a outdoor hot spring last night. :) What a wonderful experiense when you sitting in the hot spring and the sky is full of stars.
WIll keep update.
;)

開始遊北島

好幾日無 update, 其實我經已開始我嘅遊北島之行，而家去過嘅地方有 Bay of Islands，Whangarei, Tauranga.
我就係大隊司機，幾日都揸左成千公里，哈哈
我都希望多啲時間可以打返多啲嘢，upload 多啲相，今晚都夜，有時間我會快啲 upload 相！

好久不見

How are you?

參與華人婚宴

有機會在這邊參與了一個華人的婚宴（擺酒，當然唔喺人地請我去，喺打工嗰到有客擺酒）
感覺幾特別，不過就訓聽日要返工，我會快啲 update 架啦！

永遠也會有你想買的東東

離開香港時一直認為自己有的電子物品經已太多，但其實一直希望有個能打點中文的東東（要支援倉頡）自己的電話一直不能支援倉頡，雖然這是個學習國語併音的好機會，但始終有心無力，香到 iPhone 和 iPod Touch 能安裝倉頡，即時心動，可惜無錢，都係想吓算啦。

Crocs 之奇遇

話說某年某月某日，小弟喺呢邊工作嘅時間，腰包同鞋比人拎走咗（因為開工時包包同其它物品要放埋一邊，而開工時要著黑鞋，但喺對黑鞋實在不甚舒服，所以返工前同放工後我都會換返對 Crocs。

照平常咁換好晒嘢，就放低我嘅個人物品，而常日有一個旅行團嚟我嘅工作地方，相信我個腰包同鞋喺比領隊當作“没人認領物品”拎走咗，其實責任在小弟身上，因為我放錯左地方。

其實我喺工作嘅時間係唔係知我嘅嘢比人拎左，直到有人打比我，話比我知搵到一個包包，入面有我啲嘢我先知我個袋比人拎左。不過搞笑喺佢打嚟問我識唔識呢個人，講左好耐佢先明白我就喺物主（因為佢搵到我個電話，喺因為我本筆記有張核突紙寫咗我個手提電話號碼），跟住就係安排點拎返個袋。我諗左好耐，其實都無必要立即拎返（雖然啲嘢好重要，但係唔緊要）點知對方非常好人，搵 Courier 送返個袋比我，而且仲唔收我錢！最後我當然順利咁拎返個包包，入面仲咩都齊全！

大家可能奇怪，明明叫 Crocs 庂奇遇，點解只係講個包包呢？其實係因為佢地只係搵到我個袋，搵唔到我對鞋，不過經已算喺不幸中嘅大幸。

最後我都喺呢邊買左另一對 Crocs，因為著住黑皮鞋同行山鞋嚟揸車始終唔係咁舒服。原本打算買扮 Crocs 或老翻 Crocs，但手感麻麻，所以都喺買返堅嘢，價錢同香港差唔多。

故事到此，其實未完結，上個星期（8/1），有人來電，再問起呢件事，問我喺唔喺遺失左一對 Crocs :D！我估大家都做到事情發展落去會點，不過今次我唔好意思叫人送比我，所以約左佢第二日上返佢地 Office 拎返對鞋。

呢件事令我感受最深，唔係失而復得，而喺人地點都搵方法去比返啲野你，如果呢件事掉轉喺香港同大陸發生，我估我都無咩機會拎得返我啲嘢，又或者人地會問你收返錢。雖然唔同人都同我講過，話 NZ 呢十年治安差咗好多，但喺我諗其實好質素的 NZ 人，仲有好多，只喺大家無遇到。

詳述樓面工作

其實大大話話都做左兩個星期，等我詳細少少講吓份工啦！

雖然份工話由十一點開到下午三點，但係如果想食早飯，就要十點半返到去，食飯有啲咩呢？早餐嚟講，多數會有三個餸，會有菜有肉，白飯就任食，不過由於我習慣食少少嘢先揸車，所以都唔會食特別多。比較印像深嘅餸，我估喺牛腩？因為無諗過會食到，不過聽賣點心嘅姐姐講，好嘢都喺唔好食咁多，因為佢真係好嘢嘅話，老闆點解唔拎去賣呢？而午飯方面，就會有啲賣唔出嘅點心同會有炒飯炒米咁，好唔好餸就要睇吓嗰日好唔好生意啦。

之前講過十一點開市，其實十點四十五分就要做最後預備，即喺得十五分鐘食飯，不過唔駛錢唔好要求咁多（但係其實喺唔喺變相減工時 > 減人工？）。有啲咩要預備呢？例如洗吓魚_ ，睇吓各個“站台”啲嘢齊唔齊，仲有當然喺睇吓啲枱同餐具放得好唔好咁。

雖然話十一點開門，不過有客早嚟唔通趕佢走咩，不過都唔常見的。
有客嚟，會發生嘅其實同香港差唔多，都係開茶同叫嘢食。點心呢邊仲喺推車字或者人肉推銷，不過當然有例外就喺太早同太遲，就會落柯打叫嘢食啦。

咁賣嘢食就無我份，不過有時都有客叫我落柯打，最初去廚房落柯打，成個傻仔咁，搵邊個師傅又唔知，點落又唔知，慢慢過左兩個星期，大約都知要搵邊個師傅，亦都無再比人當傻仔。而其餘做嘅都係收吓碟呀，收吓籠呀，有人走左要快手快腳咁 set 返好張枱咁囉。到差唔多收工，就要預備好聽日要嘅野，跟住就收工食飯！

雖然好多野聽落都好簡單，但係做落都有一定技巧，例如點樣可以兩隻手收最多杯碗碟，雖然呢啲經驗對我無咩用，但係試吓都幾特別。

我估我份新工大約係咁啦~

再一次有新工作

我搵左份新工，都無同大家講吓喺咩，其實係喺一間當地嘅酒樓做樓面。

點解搵呢份工？因為原來聖誕後，呢邊喺唔興開 party，有部份店舖更可以休息至二月先開門，大部份都係一月八日先開工，所以唯有再搵工。

等我又講吓搵呢份工嘅經歷，話說睇報紙搵工，咁見到呢間酒樓請人，聽呀香港爸爸講呢間喺呢到其中一間最有名嘅酒樓，應該唔會呃員工，咁咪去試吓。點知一去到話見工，二話不說就經已話請我，仲話最快可以第二日返工，可惜第二日我有野做，所以就改遲兩日先返工。

就係咁，就見成左份工，不過份工只係做早上十一點至下午三點，所以人工都有返咁上吓（低）。不過好在佢一日包兩餐（早餐同放工後有一餐）都可以幫我節省返少少。

至於做野做咩呢？小弟身份係一個樓面，要做嘅就係開吓茶，收吓碟，點心籠咁。話辛苦就唔辛苦，好多野都好簡單，當然工作當中會有啲特別嘢，例如點樣可以一次過拎六位嘅杯碟去一張吉枱呢？點樣可以一次過收晒四個人食完飯留低嘅杯碟呢？完來所有野都要慢慢學，以我第一次做呢類工作，要學嘅野都仲有好多。

打住咁多先。

又一個星期

原來又一個星期無打 blog,因為我由就業不足變左做就業啦，雖然都未係搵好多錢，不過日子就過得好快，而家我呢邊係 23:16，聽日唔駛返工，等我聽日打個詳細少少嘅 blog entry 啦！
:)

摸蜆 @ Shakespeare Regional park

話說我第一次去 Shakespeare Regional park，因為潮汐關係，我摸到零隻蜆，於是決定喺boxing day 後一日再去一次，不過今次就多啲人，有我，小方，香港人傑少同哩兩位來自巴西嘅朋友仔。

今次我地一行人約三點半到達，我地就即刻開始摸蜆。

摸蜆活動我喺香港嘅時間都有參與過，到咗呢邊，分別好大，分別如下
1)　啲蜆太多，一手摸落去都有三至五隻
2) 有限每人拎幾多 （其實香港都要限，不過似乎政府唔會點做嘢？）
3) 無咩特大同特細嘅蜆
4) 公園有設施比你即燒

好快咁我地就摸到每人五十隻，再喺個 regional park 影吓相，咁就預備返去煮蜆。
不過今次有啲樣衰，因為無準備大膠筒，只係得個紙箱加大膠袋，可惜個膠袋無耐就穿左，我地唯有倒晒啲水，返去先再浸蜆。

返到去傑少同巴西朋友嘅住處，嗱嗱聲去浸蜆，跟住就煮飯同預備炒蜆用嘅嘢，由於物資所限，我只係有豆豉、蒜頭、酒、豉油、糖同鹽。
亦都因為嗰到只得電爐，唔夠熱，為左節省時間，我決定同時用上三個煮法，分別係白烚，炒同埋焗。

唔知喺蜆嘅品種定係因為我地浸嘅鹽水太多鹽，就咁白烚嘅蜆都好夠味，不過最受歡迎嘅始終都喺炒蜆。不過我第一次炒嘅蜆，我覺得真係麻麻，不過韓國朋友就食得好滋味，食完仲眼光光望住個碟嘅蒜頭豆豉，問我喺咩黎，蒜頭當然易解釋，係豆豉麻煩啲。至於個焗蜆，由於一個人睇三個火實在有難度，結果有少少煮過火，食落就有少少磯燒元貝嘅感覺。

少少可惜喺無影完食品比大家睇，不過有機會我都希望炒多次好味嘅蜆比自已食吓！
:)

As I went at the wrong time last time (tide up), I decided go to Shakespeare Regional Park again to pick cockles again - at the day after boxing day. This time we've got a new combination, me, little Fong, Kit and 2 fiends from Brazil.

We've arrive there around 15:30, and we start to pick cockles once we arrived.

Actually I've do similar thing in Hong Kong too, but there are many different between HK and here, like:
1) There are too many cockles, you can get 3-5 cockles "per pick per hand"
2) There is a limitation about how many cockles you can take away here (actually I think Hong Kong need that too but it seems that the govt. is not going to control that?)
3) The size of cockle is similar, no extra large of extra small size
4) There are some facilities that can let you grill the cockles in the park

As there are too many cockles, we've pick enough in a short time, and then we just travel around in the park and taking photos. :)
And then we head back to the accommodation of Kit to prepare our "cockles meal". However, as I don't have a large plastic box with me, so I use a carton box and a large plastic bag for taking the cockles. But we are so unlucky that the plastic bag damage, so we have to drain out all water from the bag.

When we back to the accommodation, I put the cockles into water immediately so can let it spit out the sands inside it, during the time waiting it spit out the sands, I prepare what I need for the cockles meal. And as I wanna save some time for cooking, I decide to use 3 methods to cook the cockles, boil, fire and "grill" (I am not sure the terms, anyway its put the cockles in the oven.).

I am not sure its because I put too many salt in the water (that for it spit out the sands) or the cockles itself is so salty, the taste of boiled cockles is good enough already. But the fire cockles still become the star of the cockles meals. One Korean friend look at the empty plate (without cockles) and ask me what's the remaining is, and how I cook that. However, I still think the taste can be better if I have more time and more materials to cook the cockles.

Anyway, I wish I can make it again with a better taste next time!
:)