DOLCE & GABBANA 之曲線宣傳

我不是名牌愛好者，雖然我知有個牌子叫 D & G，但係你問我廣東道有咩名店，我只係會諗起 LV，Gucci，我都要諗多陣先答到你有 Prada，吓，乜有間 D & G 咩？我唔知喎。

佢今次唔覺意上咗 A1，仲比各大傳媒報導，其實都可以係一個曲線宣傳，話咗比好多人知呢個世界有個名牌叫 D & G，仲係世界好多唔同地方有分店（因為有好多人報料邊到影相無事），討論區有人討論佢，facebook 有人聲討佢，o個個 iknowthissong.org 賣咁多廣告，我都唔多見 facebook 有人講，今日泛民選代表都亦都無咁多人講，你話今次呢單野個穿透力有幾大呢？

只要個尾包得好，善忘既香港人應該好快會唔記得。

好可惜，佢發表咗個好流既聲明話單野唔關佢事，話佢地無人講過唔比，即係推晒比保安公司呢？

比我係佢，等埋聽日 A1 先，下午先發個聲明，話事件係同保安公司誤會，不過佢地身為店既租客同保安公司既伙伴都有負任去向香港市民致歉。仲可以整多個攝影比賽，得奬者可以係 D & G 任拎五分鐘貨件貨。呢個數，其實點夠佢係咁多個電子傳媒賣咁多次廣告咁貴吖。