2012．．．？

有人話今年係世界末日，你信唔信？我就唔信，真係有預言，我相信世界就只會變得兩極，一係好好，一係好差。原因係掌握預言既人，一係唔會分享出嚟，自已控制世界，一係就大家都知，一齊去改變世界，變得更好。

但係呢十幾年都好似無乜改變，所以我唔多信真係會咁。

世界末日呢個傳聞觸動到我既，反而係面對危難，可點處理？我地好好彩，無地震，無海嘯，所以唔會有逃難意識，有咩事都應該係得亂亂亂，無電打唔通電話，無地鐵，情急撞車等，就好似睇戲咁。咁既情況，咩最重要？搵高地，搶食糧，有咁快走咁快？我諗到既，係同我屋企人一齊。

所以雖然我唔信今年係世界末日，以防萬一，我同我老婆約咗，如果真係末日，我地又唔係一齊，我地一齊返屋企集合，一齊渡過難關。

你又會唔會搵埋你最重視既人，一齊去面對未知既難關？